Publisert 10. februar 2019 kl. 19.55.

På ski i Ulvik

Fleire kvemmingar deltok i krinsmeisterskapen i langrenn i Ulvik laurdag. Jonas Hauger vart nummer 3 i 5 kilometer fristil. Ådne Kjosås vart nummer 4 i klassen for 12-åringar, som gjekk 2 kilometer, og Teodor G. Pedersen nummer 9 i klassen for 14-åringar, som gjekk 3 kilometer. Endre Berg Leiren enda på 4.-plass i klassen for 18-åringar, som gjekk ei mil.

I Ulvikasprinten sundag, ein lagsprint, vart Kvam nummer 2 i klassen for 11–12 år gamle gutar. Ådne Kjosås og Viljar Døssland gjekk for Kvam. I klassen for dei på 13–14 år sikra Teodor G. Pedersen og Jarand Valland Tveit Kvam 3.-plassen. Leiren og Hauger hamna på 4.-plass i klassen for 17–20 år gamle menn.