No vert Ungdomsheimen riven

Rivinga av Ungdomsheimen er i gang, etter at rådmannen sist veke gav løyve til rivinga. Dermed fell ein institusjon på Kvamskogen til jorda.

Rivinga skal etter planen ta fem til seks veker, opplyser anleggsleiar Terje Steinstø i AF Decom.

• Les også: – Fylkesmannen ville stoppa all bygging på Kvamskogen, men berre Ungdomsheimen måtte lida for det.

Framtida til dei planlagde husværa er langt meir uviss enn til den noverande bygningsmassen.

Statens vegvesen er nemleg mot dispensasjon for bygging av husvære på Ungdomsheimen-tomta til det er avklara løysingar for gang- og sykkelveg på Kvamskogen og tunnel forbi Tokagjel. Løysingane vil vera førande for søknaden, skriv vegvesenet i ei fråsegn til Kvam herad.

• Les også: – Ingen har noko glede av dette.

Vegvesenet meiner elles at området bør regulerast sidan det kan få vesentlege følgjer for samfunn og miljø, til dømes trafikale løysingar.

Fylkesmannen har allereie rådd Kvam herad frå å gje dispensasjon. Når sektorstyresmaktene er negative, bør ikkje kommunar dispensera, heiter det i regelverket.