Ulukka hende i ein krapp sving.

Alvorleg skadd i kollisjon

Ein bil og ein motorsykkel var involverte i ei ulukke ved Ytre Ålvik i Kvam om lag klokka 14, melder 110 Hordaland på Twitter.

Motorsyklisten frå Nederland, som er i 50-åra, er alvorleg skadd og er frakta til Haukeland universitetssjukehus med ambulansehelikopter. I bilen var ei kvinne i 50-åra. Ho kom uskadd frå uhellet, ifølgje politibetjent Anne Siri Tysseland i Kvam, Samnanger, Fusa og Tysnes lensmannsområde.

Ulukka hende i ein krapp sving mellom Ytre Ålvik og Ålvik. Fartsgrensa på staden er 60 kilometer i timen. Det pågår opprydding på staden. Vegen er stengd inntil vidare. Tysseland seier det ikkje er avklara kva som er årsaka til ulukka.