Syklinga har Aarsand stått for åleine, rett nok utan mål om å vinna, men mest for å delta. Og om han var godt kjend i nabolaga i Kvam frå før, er han vorten endå betre kjend no. Dei siste par månadene har han trakka seg over ulike typar underlag mellom Vikøy og Fykse. Og kva har han fått ut av det, tru?
– Eg har mellom anna oppdaga mange kjekke snarvegar, fortel Aarsand.
Sykkelprosjektet er ikkje berre ein konkurranse, men også ein måte å koma tettare på lokalsamfunnet på. Ved å vera fysisk til stades i gatene dei sel bustader i, får meklarane eit betre grunnlag for å gje gode råd til kundane sine.
– Me ynskjer å vera meir enn berre meklarar. Me vil vera ein del av nabolaget, seier Gjerde.
Vitjar alle på sykkel
Administrerande direktør i Nordvik, Martin A. Kiligitto, er hjernen bak sykkelideen. Ideen kom til han ein morgon han stod i dusjen og funderte på kva selskapet skulle finna på no. Nordvik nærmar seg ein milliard i omsetning, og det syntest han var verdt å synleggjera med eit morosamt stunt.
– Det er viktig å vera i fart, og me kan ikkje gjera det same som alle andre. Med sykkelkonkurransen ynskte me å visa at me set pris på folka som gjer jobben, seier Kiligitto.
Han meiner at lokal tilknyting er alfa og omega om skal ein gjera ein god jobb som meklar. Til dagleg held Kiligitto til i Oslo, men denne våren har arbeidskvardagen vore meir allsidig og aktiv enn vanleg. Heimekontor er bytt ut med utekontor, og målet er å vitja alle 39 kontora til Nordvik på sykkel, frå Arendal i sør til Finnsnes i nord.
Fyrst og fremst lokal
Torsdag 24. april fann Kiligitto vegen til Nordvik-kontoret i Norheimsund. Med seg hadde han Jon Anders Reutz (kjededirektør) og Robert Stokkeland Jensen (prosjektleiar). Kiligitto og Reutz på sykkel, Stokkeland i Nordvik sin eigen fylgjebil. Dei kom frå Bergen, og ferda ned Tokagjelet var ifylgje syklistane ikkje avskrekkande. Norheimsund viste seg frå si mildaste side denne dagen.
HF Reklame var innom Nordvik-kontoret i Straumen for å dokumentera visitten, men må vedgå at den gjævaste reklamen stod Vårherre for. Sola sytte for perfekt scenelys i bygda. Passiaren mellom aust og vest glei av seg sjølv.
– Me trur at dei beste meklarane er dei som kjenner nabolaget godt. Gjennom kampanjen «Nabolaget» ynskjer me å visa at me ikkje berre sel bustader, men også livsstil og fellesskap, seier Kiligitto.
Aarsand og Gjerde legg til at det å kjenna til lokale forhold, som skular, barnehagar, friluftsområde og det sosiale miljøet, er avgjerande for å kunna gje gode råd til både kjøparar og seljarar.
– Me veit kva eit fjordgløtt er verdt, og me kjenner verdien av ein vestvend balkong. Det handlar om å forstå både eigedomen og menneska som bur her, seier Gjerde.
69% av befolkninga skildrar naboane
sine som venlege og hjelpsame
Kva er viktig for hardingen?
Den interne sykkelkonkurransen er berre eit ledd i ein større kampanje som Nordvik-kjeda står bak. For å finna ut kva folk set mest pris på med nabolaget dei bur i, har Nordvik engasjert Norstat til å ringa rundt i alle kommunane der dei har kontor. Resultatet av undersøkinga er offentleggjort, og hardangerregionen skil seg ut på fleire område. Mellom anna seier 9 av 10 at dei ikkje har planar om å kjøpa eller selja bustad dei neste seks månadene.
– Me ser at dei fleste som kjøper bustad her, allereie bur i området. Det tyder på at folk trivst og ynskjer å verta verande, seier Aarsand.
69 % av dei som deltok i spørjeundersøkinga i Hardanger, skildrar naboane som venlege og hjelpsame. Sjølv om Gjerde er samd i karakteristikken, meiner han at det stikk djupare enn som så.
– Det handlar om tilhøyrsle. Ein frå Norheimsund ser sjeldan etter hus i Øystese, og motsett. Det er ikkje fordi dei ikkje likar kvarandre, men fordi folk er glade i røtene sine, og bygda deira betyr noko, reflekterer Gjerde.
Meklarane opplever ofte at visninga fungerer meir som slektstreff enn å sjå på hus. Dei fleste kjenner naboane godt. Ifylgje Gjerde er det mange som samstundes ynskjer seg ein bustad der dei kan ha fred og vera skjerma. Ein stad dei kan driva på med sitt utan å måtta forklara noko til naboen.
Eit gjennomgåande ynske me høyrer ofte på visning, og som vert sagt med eit smil, er at ein vil kunna gå naken i huset sitt utan å verta sett. Ikkje fordi ein faktisk gjer det, men meir fordi ein kan. Det seier noko om kor viktig det er med privatliv. Det er med andre ord ein kombinasjon av fellesskap og privatliv som er viktig for mange, seier Gjerde.
91% av dei som bur her har ingen planar om
å kjøpa eller selja bustad dei neste 6 månadene
Gode naboar er det hardingane er mest stolte av i nabolaget sitt. På andreplass kjem nærleik til turområde.
– Kvifor er turområda i Hardanger så attraktive?
– Her møter du sterke kontrastar: bratte fjell og stille fjordar. Om ein vil på båttur eller topptur, er alt innan kort rekkevidde. Det er ikkje ein klisjé. Det er kvardagen. Ein kan bokstaveleg tala gå frå snøføre til fjordbading i løpet av ein ettermiddag. For mange er dette grunnen til at dei bur her. Naturen er ikkje noko ein berre «brukar» i ferien, men ein livsstil. 68 % seier at dei brukar sundagen til å gå på tur, ski eller trening, og det er ikkje utan grunn. Naturen er ikkje berre bakteppe. Han er ei drivkraft i livet her, sier Gjerde.
Framtidsvoner for Hardanger
Gjerde har også tankar om korleis ein kan gjera Hardanger til eit endå meir attraktivt område å bu i. Ifylgje han handlar det om samferdsle og tilrettelegging av gode bustadområde.
– Mange opplever Kvamskogen som ein flaskehals, og ein tunnel ville ikkje berre gjera reisa til Bergen raskare, men også meir føreseieleg og trygg. Ei bru til Jondal vil styrkja samhaldet på tvers av fjorden og opna nye ruter for arbeid, tenester og kontakt, seier han.
Gjerde ser for seg betre flyt i kvardagen for innbyggjarane som allereie bur her.
– I tillegg er det behov for fleire bustader. Ikkje berre einebustader for barnefamiliar, men også leilegheiter som gjer det mogleg for eldre å byta bustad utan å måtta flytta frå bygda. Mange sit i bustader som kunne vore frigjorde, men det manglar alternativ. Skal Hardanger veksa, må me leggja til rette for flyt, både på vegane og i bustadmarknaden, legg Gjerde til.
I ei tid der bustadmarknaden ofte vert målt i kvadratmeterpris og omsetningstid, ynskjer Nordvik å setja søkjelys på det som betyr mest for folk: nabolaget. Difor har dei ofra tid og ressursar for å gjennomføra ei undersøking om akkurat det.
– I tillegg håpar me at rapporten kan inspirera beslutningstakarar, næringsliv og eigedomsutviklarar til å halda fram med å utvikla Hardanger på ein måte som gjer at endå fleire ynskjer å bu og leva nettopp her, sier Kiligitto.
s.gjerde@nordvikbolig.no
941 43 236
t.meland@nordvikbolig.no
971 61 617
