58-åring fekk ny sjanse

Hilde og Ove flytta frå Holmen i Øystese til Dragshovden i Tørvikbygd 25. mai. Men før det har det vore diverse fagfolk i sving for å friska opp huset frå 1967. Barndomsheimen til Ove har fått full overhaling.

Den upåklagelege utsikta over fjorden har alltid vore der, men kjem betre til rette med dei nye, store vindauga i den opne kjøkenløysinga mot stova. Her kan ein sjå jondalsferja siga att og fram mellom bygdene og lata tankane fly medan ein førebur middag eller berre nyt ein enkel kopp kaffi. 

Då HF Reklame er innom, trengjer solskinet gjennom eit ujamt skylag og lokkar fram skuggar som flyt sorglaust i rommet. Det nye kjøkenet til Hilde og Ove viser seg frå si beste side. Og det er på grunn av kjøkenet me er her.

Kjøkensenteret i Kvam

Kjøkenet heiter Granarp og er levert og montert av XL-BYGG i Øystese. Anne Sissel Froastad er arkitekten bak romløysinga og innreiinga. Ho estimerer at det tok fire månader frå ekteparet Kolltveit steig over dørstokken til XL-BYGG i Øystese til kjøkenet var klart for allslags kokkekunstar, men presiserer at ein også kan få ferdig kjøken på om lag på ein månad. 

Anne Sissel er kjøkeneksperten til XL-BYGG. Ho har ikkje tal på kor mange kjøken i Kvam ho har teikna, men hugsar likevel dei fleste.

– Eg ser for meg korleis dei ser ut, sjølv om det gjerne er ti år sidan eg teikna dei. Eg brukar mykje tid på kvart kjøken, så dei set seg på ein måte i hovudet.

Kjøkenet til Hilde og Ove er ikkje noko unntak, og dei får ikkje fullrosa Anne Sissel og hjelpa dei har fått.

– Me fekk så god hjelp frå fyrste møte, fortel Hilde.

Smarte løysingar

Det heile starta rett før jul. Då fekk Anne Sissel teikningar av huset og byrja så smått å tenkja på moglege løysingar. Etter nokre veker, då Ove var attende frå jobb i Nordsjøen, var det nytt møte. Ballen byrja å rulla raskare. For ekteparet var det avgjerande å ha ein fagperson som såg løysingar.

– Me trong ikkje gå lenger enn til Anne Sissel. Ho har flust av idear, og då var det eigentleg berre å velja. Når ein ikkje jobbar med dette sjølv, kan det vera vanskeleg å sjå for seg alle moglegheitene. Eg tenkjer fort at noko ikkje går an, men Anne Sissel fann alltid ei løysing, seier Ove.

Mellom anna er det laga ein skråkant på kjøkenøya inn mot vindauget for å sleppa å flytta øya lenger inn i rommet. 

– Du ser det er ein skråkant inn mot vindauget? Då tenkte eg nei, dette går ikkje. Det vert for smalt om me skal trekkja øya lenger inn. Men Anne Sissel redda det med den skråkanten. Og det vart jo veldig fint, seier Ove.

Både funksjon og form

Anne Sissel brukar eit tredimensjonalt teikneprogram når ho planlegg kjøkenløysingar. Det er eit nyttig verktøy, ikkje berre for Anne Sissel, men også for kundane.

– Då me såg på skjermen korleis alt ville verta, var det lettare å bestemma seg, fortel Hilde.

I tillegg til at kjøkenet skal vera fint å sjå på, må det vera fornuftig og lett å bruka. Anne Sissel legg vekt på å kombinera estetikk og funksjonalitet.

– Eit kjøken handlar om meir enn skap og benkeplater. Det skal fungera i kvardagen, og kundane må trivast der i mange år, forklarar ho.

Lokalt samarbeid

XL-BYGG nyttar faste lokale montørar. Anne Sissel trur det gjev eit konkurransefortrinn. Det er føreseieleg og trygt for kunden. Føremonen med lokale montørar er betre arbeidsflyt og effektivitet. Mellom anna på grunn av kortare reisetid enn for montørar frå til dømes Bergen.

Samarbeidet mellom XL-BYGG og lokal montør er viktig for oss som kunde, skyt Ove inn.

Kjøkenet til Hilde og Ove vart montert av Ronnie, som jobbar i Kvammabygg. 

– Eg er supernøgd med han, seier Ove. 

– Han var løysingsorientert, kom med gode forslag og pressa aldri fram noko. Han la det fram som moglegheiter, og så fekk me bestemma.

– Det har så mykje å bety at montørane både har erfaring og auge for detaljar, legg Hilde til.

– Sjølv om me kan levera ferdig montert, er det fullt mogleg å kjøpa kjøken utan montering. Kjøkenet er intuitivt å montera, og me har gode monteringsvideoar som kan nyttast av dei som ynskjer å montera sjølve, seier Anne Sissel.

Ny forhandlar av Granarp

XL-BYGG i Øystese har levert kjøken i mange år, men no ynskjer dei å satsa meir på feltet. Dagleg leiar Martin Lunestad fortel at dei har utvida kjøkenutstillinga i butikken, og vil no kalla seg for eit lokalt kjøkensenter i Kvam. 

– Me har fleire kjøken utstilte komplett med kvitevarer, og prøvar av alle frontar og benkeplater, seier han.

XL-BYGG har forhandlarstatus på kjøkenmerket Granarp, som vert laga på same fabrikk som Sigdal. 

– Det gjev oss moglegheit til å tilby moderne kvalitet til gunstige prisar, i tillegg til at me framleis leverer Sigdal møbelkjøken, fortel Martin.

Granarp-kjøkenet er flatpakka, men med formonterte skruar i skapdelane. Det sparar monteringstid – opptil 50 % samanlikna med andre løysingar.

– Me har køyrt prissamanlikningar og ligg tett opp mot Ikea. Men her får ein lokale montørar og oppfylging gjennom heile prosessen, seier Martin. 

Nøgde kundar

Kjøkenet til Hilde og Ove er vorte betre enn dei såg føre seg. Dei er dessutan samde om at ein ikkje treng å reisa ut av bygda for å få eit moderne kjøken. Etter å ha bruka det i nokre månader, har dei ingenting å setja fingeren på. 

– Kva var den fyrste middagen de laga på kjøkenet?

– Eg lurer på om det ikkje var «Beef Wellington», kjem det lurt frå Ove. 

Det vert raskt avkrefta av Hilde.

– Nei, det var ikkje. Det var nok heller ein Grandiosa, men sjampanje var det i alle fall.

Om dei ikkje hugsar kva det fyrste måltidet på det nye kjøkenet var, er det ingen tvil om kva dei vil rå andre til:

– Me kan varmt anbefala XL-BYGG. Me har fått eit kjøken me er stolte av, og samarbeidet har vore ei rein glede, seier Ove.