Ein tilhengar bak ein personbil velta i Tokagjelet i Kvam laurdag kveld. Politiet rykte ut etter å ha fått melding om hendinga klokka 19.50, ifylgje Politiloggen.
Hengaren velta nær Snauhaugtunnelen. Det vart ikkje meldt om personskadar, men ein del gjenstandar hamna i vegen. Framkoma var noko redusert etter hendinga, melde politiet.
Annonse
Måndag seier politistasjonssjef Terje Sperrevik ved Kvam politistasjon at årsaka truleg var at lasta flytta seg på grunn av at sikringsstropper slitna. Bilføraren framstod edru. Det vart ikkje oppretta sak.
