38 er testa i Kvam, men ingen av desse var smitta. Her ser me tomme Antibac-hyller på apoteket i Øystese i helga. Foto: Sigbjørn Linga

Kvam: 38 testa – ingen smitta

Enno er ingen smitta i Kvam, trass rykte om det motsette. Det melder Kvam herad i ettermiddag.

I dag var totalt 38 testa. Det utelukkar ikkje at nokon kan vera smitta, ettersom dei med berre milde symptom på luftvegsinfeksjon ikkje vert testa lenger.

Heradet og Grannehjelpa arbeider med å organisera levering av mat. I den samanheng vert dei som sit i karantene, oppmoda om å melda seg. Desse kan ringa den lokale koronatelefonen. Nummeret er 56 55 31 85, og ein får svar til klokka 18.