Torgdagen Zoom Førre Neste Bilete 1 av 11 Torgdagen i Norheimsund. Cecilie Lilleheil hadde teke vegen frå Lofthus og stilte ut akvarellar, litt smykke og armband. – Salet har gått litt trått til no, me får håpa folk kviknar til etter klokka tolv, slik som meg, sa Lilleheil på føremiddagen. Bilete 2 av 11 Torgdagen i Norheimsund. Øystein Skjæveland i Isrosa selde eigenprodusert økologisk is frå Kvinnherad, med smak av blant anna bringebær, rabarbra, valnøtt med lønnesirup og kokos med sjokoladebitar. – Eg vonar det ikkje kjem regn og at eg iallfall kjem over deltakaravgifta, sa Skjæveland i 12-tida laurdag. Hannah Trones (9) var ein av dei som handla is. Bilete 3 av 11 Torgdagen i Norheimsund. Robert Sæle handlar to koppar kaffi hjå Irene Straumstein (t.v.) og Tuva Mørk, som selde kaffi og kaker. Inntekta frå salet går til misjonsprosjektet på Framnes, som i år støttar Himalpartner, ein organisasjon som byggjer instutisjonar for personar med psykiske utfordringar i Nepal. Dei arbeider også med å opplysa den jamne nepalesar om psykisk helse og dermed hindra utstøyting av psykisk sjuke. Bilete 4 av 11 Torgdagen i Norheimsund. Daniel Riis (6) syntest ikkje brannmannhjelmen han hadde fått var nok utsmykking, og fekk måla andletet av Marte Rode ved standen til framnesrussen. Bilete 5 av 11 Torgdagen i Norheimsund. Også i år fekk den gamle brannbilen lufta både unge og gamle. Den gjekk i trafikk heile dagen. Bilete 6 av 11 Torgdagen i Norheimsund. Toyota Norheimsund stilte ut ei rekkje av sine modellar på kaien. – Eg har eigentleg kjøpt ny bil for litt for kort tid sidan til å kjøpa meg ein ny ein, men til neste år skal du ikkje sjå vekk frå at det vert ein hybridbil frå Toyota der ein kan sitja høgt, seier Kjell Jensen (t.h.) til bilseljar Svein Hogne Børven. Bilete 7 av 11 Torgdagen i Norheimsund. Kåre Haugland selde også i år pølser på torgdagen i Grova. – Eg meiner eg har vore her i om lag femten år, og eg må seie oppmøtet er bra. Det går mange pølser, seier han. Bilete 8 av 11 Torgdagen i Norheimsund. Også i år hadde Steinstø fruktgard salsbu på torgdagen. Frukta og dei andre varene såg ut til å gå som varmt kveitebrød. Bilete 9 av 11 Torgdagen i Norheimsund. Aleksander Digernes (t.v), Tor Erling Solberg, Tobias Vangen og Tor B. Rasmussen samla på standen til Yamaha Hardanger. Vangen, som arbeider for Yamaha Hardanger, greidde ikkje å overtala dei andre gutane til å reisa heim med ein ny skuter. Bilete 10 av 11 Torgdagen i Norheimsund. For enkelte var det andre ting enn lokal saft, lokal frukt og lokalt fenalår som lokka, men heldigvis var det også råd å få dekt dei søtlege behova. F.v: Endre Økland, Rita Kleiven, Amanda Nernes og Ingeborg Økland. Bilete 11 av 11 Torgdagen i Norheimsund. Brannmann Ronny Vik demonstrerer kva ein skal gjera om det byrjar brenna på kjøkenet. Han trylla vekk flammane ved å leggja lok på dei og skru av varmen. Publisert: 12.09.2017 09:13 Sist oppdatert: 11:18 BILETSERIAR