|
|
Konferansier på landsmønstringa
 Ingen av dei lokale musikarane på fylkesmønstringa til Ungdomens kulturmønstring (UKM) gjekk vidare til landsmønstringa i Larvik. Det gjorde derimot konferansier Lidvard Sandven frå Norheimsund. Laurdag leidde han publikum gjennom dei 28 bandinnslaga på fylkesmønstringa i Os. Kvemmingen vart premiert med ny opptreden på UKM-scena i juni. – Eg vart ganske sjokkert då eg fekk vita at eg gjekk vidare, fortel Sandven.
Les meir om UKM i dagens HF.
Lidvard Sandven (t.h.) hadde med seg Sigurd M. H. Pedersen på UKM-scena i Oseana kunst- og kultursenter laurdag.
Foto: Camilla Kvamme
Travel veke på Beitostølen
Yngvar Andersen og Brynhild Brattabø er klare til å leggja ut i den fem kilometer lange løypa.
Foto: Åsmund Soldal
Brynhild Brattabø frå Jondal, Ivar Vik frå Øystese og Helge Kvåle frå Ålvik er faste deltakarar i Ridderrennet på Beitostølen. Kvåle deltok i fire øvingar i riddarveka. Han var med for 41. gong. Døvblinde Harald Vik frå Jondal deltok for 25. gong.
50-årsjubileet til Ridderrennet sette preg på arrangementet.
Les meir i HF tysdag.
A-laga vann i serieopninga
Magnus Røberg hadde for det meste bra kontroll i midtforsvaret til Norheimsund fredag.
Foto: Sigbjørn Linga
Norheimsund opna serien med siger mot Bjarg 2. Øystese banka Vardeneset 4–1. Kvinnelaget banka Stord fotball 2 med 4–1. Det vart med andre ord ei god serieopning i lokalfotballen.
Les meir i HF i dag.
Får kortreist insitusjonsmat
Korkje kantine eller kjøken er i bruk i Norheimsund industier AS.
Foto: Åsmund Soldal
Storeholmen VTA AS fekk måndag oppdraget med å levera middagar til til Kvam herads institusjonar og heimebuande eldre. Tilbodet gjeld nesten 70.000 porsjonar per år.
Storeholmen ynskjer å gjera kjøkenet og delar av kantina ved Norheimsund industrier til produksjonskjøken. Sundagsmiddagen 1. september skal etter planen vera den fyrste kortreiste i sitt slag sidan institusjonskjøkena vart nedlagde. I dag kjøper helse- og omsorgseininga i Kvam ferdigmat frå kjøkenet ved Haukeland universitetessjukehus.
Les meir i HF tysdag.
Steinskredet hamna i rundkøyringa, der ein køyrebane i vinter var stengt på grunn av snøskredfare.
Foto: Henning Grønhaug
Fylkesveg 107 var måndag morgon stengd fordi eit steinkred hamna i rundkøyringa. Etter at mannskap frå Mesta AS hadde vurdert situasjonen, vart eitt køyrefelt opna. Skredet gjorde at også Jondalstunnelen vart stengd.
Norheimsund opna serien med heimekamp mot Bjarg 2 i kveld. Heimelaget leidde 1–0 halvvegs i kampen.
Foto: Sigbjørn Linga
Det gjekk vel fort i svingane då troppen til a-laget til Norheimsund fotballklubb vart skriven inn i fredagsavisa. Nokre mangla, medan andre var oppførde opptil fleire gonger. Den korrekte troppen er følgjande:
Morten Madsen Skeie, Henrik Sandtorv, Harald H. Aksnes, Magnus Røberg, Rune Kolltveit, Edvard Tvedt, Johan Kringlebotn, Stian Børven, Sondre Eskeland, Jørgen L. Langeland, Eivind Madsen Skeie, Dag Joakim Storli, Sebastian H. Vangen, Lars Eirik Berge, Sindre Austevoll, Kjell Martin Solsvik, John Asle Lie, Espen Iversen, Mathias Opsahl-Engen, Johnny M. Gallefoss, Daniel Solbakk, Viljar Haavik, Kristian Linga, Stig Edvin Aksnes, Sindre Berge, Eirik Opheim og Johannes Røyrvik.
HF bed om orsaking for rotet.
Varslar store nedbørsmengder
Det er varsla mykje nedbør i Hordaland sundag og måndag. Det kan medføra fare for lokal flaum, tette røyr og sørpeskred, melder Noregs vassdrags- og energidirektorat. Nedbøren er venta som regn under 1.000 meter over havet, faktisk også under 1.200–1.500 meter over havet i ein periode. Kombinasjonen av regnvêr og snøsmelting vil gje raskt aukande vassføring, varslar direktoratet.
Øystese får drahjelp av lokal stjerne
Foto: Even Norheim Johansen
Endre Brenne (biletet) har forlate "proffeventyret" på Island og vendt heim til Kvam. I år skal han spela for Øystese i 3. divisjon, i alle fall inntil betre tilbod dukkar opp.
Øystese opnar serien med heimekamp mot Vardeneset laurdag.
Les om laget i HF i dag.
Stian Børven (t.h.) vert truleg ei sentral brikke i Norheimsund i 5. divisjon i år.
Foto: Sigbjørn Linga
I kveld opnar Norheimsund sesongeni 5. divisjon for herrar med heimekamp mot Bjarg. Trenar Johnny Mikael Gallefoss er optimistisk på vegner av både herrelaget og klubben elles. Mellom anna har han stor tru på det såkalla Stjerneakademiet.
Les meir i HF i dag.
Gjennom skulefritidsordninga Stjerneakademiet vonar Norheimsund fotballklubb å dyrka fotballtalent med gode haldningar og kunnskapar. Her er ein del av borna som er påmelde.
Foto: Sigbjørn Linga
10. juni startar etter planen innflyttinga i Norheimsund skule. Framleis er det uvisst kva som hender med uteområdet til den nye skulen.
Foto: Camilla Kvamme
Foreldrerådets arbeidsutval (FAU) ved Norheimsund barneskule er uroa for at Kvam herad ikkje har nok pengar til uteområdet til den nye skulen. I eit referat frå styringsgruppa ved skulen kjem det fram at byggjeleiar, landskapsarkitekt og rådgjevande ingeniør har gått gjennom uteområdet for å forenkla og spara.
– Det må ikkje verta slik at heradet har lite eller minimalt med pengar til det som står att til slutt, skriv FAU-leiar Heidi E. Ørjansen i eit brev til heradet.
Rådmann Arild McClellan Steine understrekar at opprustinga av Norheimsund skule er i ein sluttfase, og at heradet fyrst vil ha fullstendig oversikt over økonomien i prosjektet om nokre veker.
– Før den tid kan eg ikkje svara på kva som skjer med uteområdet, om me må gjera endringar, og kor mykje med eventuelt må spara. Målet med prosjektet er framleis å levera ein skule i tråd med planen, seier Steine.
Les meir i dagens HF.
Reisefølgjet frå Japan lærde mellom anna ein springar i frå Granvin av musikar Frank Rolland. Frå venstre: Rolland, Yuka Shiraishi, Rio Yamase og Masumi Mizusawa.
Foto: Camilla Kvamme
Rio Yamase driv eit hardingfeleinstitutt i Japan. Denne veka hadde fiolinsten med seg to av elevane sine på studietur til Hardanger.
Yamase fatta interesse for det norske instrumentet du ho las ein biografi om Edvard Grieg. – Eg er oppteken av å visa japanarane kvar Grieg henta inspirasjon frå. Hardingfela betyr mykje for meg, fortel musikaren.
Les meir om Rio Yamase i dagens HF.
Kvam herad har fått i alt 252 søknader frå foreldre som anten ynskjer ny barnehageplass eller har søkt om endring av storleiken på plassen. Endringane er resultatet av at Kvam heradsstyre i desember vedtok å tvinga foreldra til å velja mellom heil eller halv plass. Målet er at mindre fleksibilitet skal gje innsparing.
Ifølgje oppvekstsjef Astrid-Anett Steine har 218 av dei 252 søkt om 100 prosent plass. 34 har bede om 50 prosent plass.
Oppvekstsjefen har ikkje eksakte tal, men fortel at dei fleste som har bede om endra plass, hadde anten 80 prosent eller 100 prosent plass. Nokre hadde 60 prosent plass.
Eksakte oversyn over innsparingane finst heller ikkje enno. Steine påpeikar at politikarane har vedteke å redusera grunnbemanninga og utvida opningstida. Det medfører at kostnaden per barn går ned, og det fører til at tilskotet til Sandven fus barnehage vert redusert, fortel oppvekstsjefen.
Stemne i nytt kyrkjelydshus
Hardanger og Voss- avdelinga i Det norske misjonsselskap (NMS) arrangerer årsmøte og misjonsstemne i Strandebarm sundag. Tilskipinga opnar med gudsteneste og sluttar med servering, årsmøte og fest i kyrkjelydshuset, opplyser Tone Reinskou Bjotveit på vegner av laget.
Tidlegare områdeleiar Vidar Grindheim frå Vikøy skal halda andakt, medan noverande leiar Grethe Lunde vil fortelja om misjonsverksemd i Midtausten.
Ifølgje Bjotveit har NMS har gått gjennom store endringar og nedskjeringar dei siste åra. Økonomien er i balanse, mellom anna takk vera gjenbruksbutikkane til NMS.
– Butikkane er særs viktige ettersom talet på kvinneforeiningar stadig går ned, opplyser Bjotveit.
Jondal soknar framleis til Haugesund
Styret i Helse vest RHF avslo onsdag ynsket frå indre Hardanger om å verta med i Helse Bergen HF. Kommunane på sørsida av fjorden vert dermed verande området til Helse Fonna HF.
Hovudsjukehuset til folk i Jondal vil såleis liggja i Haugesund. Styret plastra såret med å slå fast at Odda sjukehus skal vera "berekraftig".
Mellom anna hardangerfjordforskrifta, tilstandsrapporten om grunnskulen, flytting av skytebanen i Tolomarka og reguleringsplanen for Stronda i Øystese står på saklista til dagens møte i Kvam heradsstyre. I den opne timen klokka 16 skal Per Christiansen i Trygge barnehager AS orientera politikarane om tilbodet om å overta drifta av tre barnehagar i Kvam.
Møtet i rådhuset er ope for ålmenta.
To timar vegstenging til mai
Lars André Froestad slepper sørgåande kø fyrst forbi anleggsstaden etter den to timar lange stengeperioden.
Foto: Åsmund Soldal
Statens vegvesen tek sikte på å avvikla den daglege vegstenginga på to timar mellom Vikøy og Norheimsund i byrjinga av mai. Det er litt tidlegare enn planlagt. Vegvesenets byggjeleiar, Per Inge Naterstad, vonar det vil gje generelt betre trafikkflyt, men antydar at dei korte stengjeperiodane kan verta ein halv time lange.
Les meir i HF tysdag.
Når naturen gjer eit hopp
Sigmund (t.v.) og Tore Leigland Njaa lurar på kvifor ein hjort ligg oppå ei astronaut.
Foto: Åsmund Soldal
Kunstnar Simone Hooymans har bruka tid i atelieret i Messen i Ålvik til å laga ei separatutstilling der mutasjonar er gjennomgangstema.
Unexpected meeting, som vart opna i Galleri puls i Norheimsund laurdag, skal stå til i byrjinga av mai. Verka er til sals.
Les meir i HF tysdag.
Arnar Ystebø (3) var mellom mange unge som fekk smaken på isfiske i Fitjadalen sundag.
Om lag hundre deltakarar slukte agnet då Øystese jeger- og fiskarlag sundag lokka med familiedag på isen i Fitjadalen. Laget lånte ut utstyr, heldt agn og baud på servering. Dei fleste unge fiskarane valde grilla pølse framføre sjølvfiska aure.
Les meir i HF tysdag.
Norheimsund under jurylupa
Vêret spela på lag med dei lokale vertane då dei skulle visa juryen kva Norheimsund har å by på. Her vert bygda studert frå Norheim.
Foto: Sigbjørn Linga
Juryen kom, såg, lytta og reiste. Det var langt mellom klare utspel, om me ser bort frå sjølvskrytet til Kvam herads representantar, då dei som avgjer kven som får statens pris for attraktiv stad, vitja Norheimsund fredag.
Les meir i HF tysdag.
Ikkje sterke signal å få om husinteresse
Asbjørn Tolo (H, t.v.), Bjarne Mo (H) og Marie Fraas Aksnes (Sp) såg nærare på mellom anna Sjydnahaugen barnehage tysdag. Barnehagen står tom og er i fritt forfall.
Foto: Sigbjørn Linga
Øystese Røde kors vil gjerne verta kvitt Røde kors-huset, men fekk ikkje klare svar då ein del politiikarar vart orienterte om saka tysdag kveld.
Les meir i HF i dag.
Øystese møter Arna-Bjørnar
Brann vert ikkje å sjå i Øystese med det fyrste. Øystese skal møta Arna-Bjørnar i den fyrste runden i noregsmeisterskapen i fotball for herrar 17. april. Kampoppsettet vart klart torsdag.
Øystese slo Odda og Lysekloster i cupkvalifiseringa.
Vil investera for 640 millionar
Prosjektleiar og fallrettseigar Henning Grønhaug på Torsnes byggjer Fjellkrafts største kraftstasjon.
Foto: Åsmund Soldal
Grunneigarar i Jondal har planane klare for 11 småkraftanlegg. Dei fleste ligg i Krossdalen og Herand. Ifølgje Noregs vassdrags- og energidirektorat vil minst sju utbyggjarar får svar på konsesjonssøknadene i vår. Går alle søknadene gjennom, ligg det an til ei kraftutbygging for om lag 640 millionar kroner i Jondal.
Les meir i HF fredag.
Aviser kjem seinare enn vanleg
Abonnentar utan postboks i Norheimsund og Øystese vil få dagens utgåve av HF seinare enn vanleg. Årsaka er at Posten har sendt avisene til Odda. Avisene er henta og vil verta distribuerte fredag, men kjem seinare i postkassen enn normalt.
HF bed om orsaking for ulempene tabben medfører.
Kvam kan verta årets kulturkommune
Kultursjef Lars Erik Klafstad gler seg over ein ny sjanse til å verta Noregs fremste kulturkommune.
Foto: Sigbjørn Linga
Kvam er ein av fire kandidatar som kan verta kåra til årets kulturkommune. Dei andre er Hammerfest, Trondheim og Utsira. Prisen vert delt ut 5. juni.
Les meir i HF fredag.
Måndag ettermiddag fekk Kvam brann- og redningsteneste melding om brann i ei kjellarbu i eit hus på Nedre Norheim i Norheimsund. For mindre enn to veker sidan brann det på same adresse.
– Brannen oppstod i eit husvære som det ikkje bur folk i lenger. Det var brann i same hus for to veker sidan, men denne gongen brann det ein annan stad i huset, opplyser politioverbetjent i Kvam- og Samnanger lensmannsdistrikt, Andor Helgheim.
Helgheim trur ikkje det er nokon samanheng mellom dei to brannane.
– Den fyrste brannen skuldast feil på det elektriske anlegget, seier politioverbetjenten.
Førebels har ein ikkje funne årsaka til måndagens brann på Norheim. Torsdag får politiet i Kvam hjelp frå krimteknisk avdeling ved Hordaland politidistrikt. Krimteknikarane skal bistå politiet i vidare arbeid med brannen på Norheim, i tillegg til ein annan brann som fann stad i Norheimsund før påske.
Torgeir Børven frå Øystese skåra kampens einaste mål då Vålerenga slo Sogndal 1–0 på Ullevaal stadion måndag kveld. Børven skåra også Vålerengas einaste mål i årets fyrste kamp, då laget tapa for Brann. Målet mot Sogndal kom heilt i starten av kampen. Kvemmingen spela heile kampen.
Fann romfartshistorie på djupt vatn
Mannskapet på akterdekket til fjellstrandbåten Seabed worker. Stålkorgene frå Norheimsund i bagrunnen.
Foto: Bezos expedition
Ein båt frå Fjellstrand, ein ROV-operatør frå Strandebarm og stålkorger frå Norheimsund var sentrale då Bezos expedition nyleg plukka opp to åtte tonn tunge månerakettmotorar frå 4.200 meters djup i Atlanterhavet. Lasta vart levert på Cape Canaveral rett før påske.
Les HF tysdag.
Trugar med løypestenging etter avisomtale
Skiløparane på Sjusete må kanskje avfinna seg med ei kortare preparert løype neste vinter.
Arkivfoto: Åsmund Soldal
Norheim og Skutlaberg grunneigarlag har sagt opp ein løypeavtale med Sjusete skisenter. Det kan medføra at den mest snøsikre delen av sjuseteløypa ikkje kan preparerast neste vinter. Grunneigarane opplyser at dei ikkje ynskjer å fornya avtalen fordi Kvam herad og Hordaland fylkeskommune har blanda seg i eit veganlegg ovanfor Alkleiv. Årsaka til det er at grunneigarane ikkje har løyve til å byggja vegen. Skulda ligg eigentleg hjå HF, som har skrive om vegbygginga, opplyser både grunneigarane og heradet.
Les meir i HF tysdag.
Kan verta landets mest attraktive stad
Foto: Sigbjørn Linga
Norheimsund får fredag besøk av ein jury som skal kåra landets mest attraktive stad. Tettstaden er ein av fem finalistar som er plukka ut blant 358 nominerte kandidatar. Kven som helst kan nominera i tevlinga, som er i regi av staten. Berre Norheimsund var nominert i Kvam.
Les meir i HF i dag.
Stort sett små skadar i påskefjellet
Ein person vart frakta i ambulanse frå skiløypene som høyrer til Sjusete skisenter sundag.
Foto: Sigbjørn Linga
Dei lokale hjelpekorpsa har teke seg av mange uheldige skigåarar som braut seg sunde i påsken. Skiføret har vore utfordrande, spesielt på toppane. Norheimsund røde kors hjelpekorps tok seg mellom anna av ein skade på Fuglafjell og ein på Breidarusti, og har i snitt hatt med to til tre skadar å gjera kvar dag.
Øystese hjelpekorps tok del i berginga av ein 44-år gamal mann ved Sveindalsnuten langfredag. Mannen vart alvorleg skadd då han fall utfor ein skrent og landa om lag femti meter lengre nede i terrenget.
Ulukka vart meld til politiet klokka 11.21. Ifølgje bt.no kom luftambulansen til staden litt etter klokka 12. Ikkje lenge etter kom Øystese røde korps hjelpekorps, fortel operativ leiar Erlend Flotve. Mannen vart frakta til Haukeland universitetssjukehus med eit Sea king-bergingshelikopter.
Du kan lesa meir om hjelpekorpspåsken i HF i dag.
Von om løysing i kulturminnekonflikt
Kulturminna i det gamle kraftanlegget i Ålvik skal dokumenterast.
Arkivfoto: Åsmund Soldal
Gamle Bjølvo kraftstasjon med trallebane og røyrgate kan vera eitt steg nærare riving. Kvam herad, fylkeskultursjefen, Statkraft energi AS, Noregs vassdrags- og energidirektorat ynskjer å koma laus frå konflikten mellom kraftindustri og verneinteresser. Anlegget er mellombels verna. Ifølgje referat frå møte mellom partane kan det enda med riving, men kulturminna skal dokumenterast og takast vare på. Kven som gjer kva, og når noko skal handla, er enno uvisst.
Les meir i HF tysdag.
Den såkalla kulturkalenderen – spalta Det skjer – vart diverre utegløymd i dagens utgåve av HF. Du kan finna eit oversyn over hendingane framover i Kvam og Jondal ved å klikka på menyvalet Det skjer på venstresida av nettsida til HF.
|
Er det eit gode med større trafikk i Kvam?
|