|
|
Brannmannskap frå Ålvik måtte tysdag rykkja ut for å sløkkja ein grasbrann i Ytre Ålvik. Ifølgje politioverbetjent Andor Helgheim i Kvam og Samnanger lensmannsdistrikt vart om lag eitt mål gras og kratt svidd av. Brannen skuldast at det vart tømt varm oske utanfor eit hus. Ingen personar eller bygningar vart skadde.
Sidsel Haugen meiner jobben i Grannehjelpa har gjort livet hennar rikare. Her er ho på skrivekurs i lag med Odd Sætre.
Foto: Camilla Kvamme
Sidsel Haugen har vore dagleg leiar i Grannehjelpa i snart to år. I heimbygda Herand engasjerer 43-åringen seg i mangt og mykje. Men sjølv om Haugen har mykje energi å ta av når ho er vaken, hender det at ho går tom. – Eg kan godt gå å leggja meg klokka sju, fortel ho.
Les meir om Haugen i dagens HF.
Påskevêret har kome for å bli
Skiløparar på veg mot Breiarusti på Kvamskogen.
Foto: Even Norheim Johansen
Vêrmeldingane spår sol og nokre kuldegrader i oversiktleg framtid. Stor utfart på Kvamskogen i palmehelga lovar godt for resten av påsken, trur Torkjel Steine i Aktiven skiheis. Han seier det er uvanleg med godt vêr både i vinterferien og påsken. I år får me i pose og sekk.
Les meir i HF tysdag.
Sindre Risan kråla fyrst i mål i sitt heat.
Foto: Åsmund Soldal
Om lag 550 symjedyktige elevar har gått ut frå Jondal skule dei siste 30 åra. Det vil seia at skulen har kome så nær som praktisk mogeleg til målet om at alle skal kunna symja når dei er ferdige med grunnskulen.
Fredag feira jondølingane 30-årsdagen til symjehallen med stort symjestemne og påskjøningar.
Les meir i HF tysdag.
Avslutta langrennsserien med kvammameisterskap
Håvard Drivenes hadde berre éin konkurrent i seniorklassen.
Foto: Åsmund Soldal
Håvard Drivenes var ikkje åleine om å sikra seg kvammameistertittel i langrenn på Sjusete måndag, men han var den raskaste av alle.
Dei yngste deltakarane dominerte i løypa då årets siste serierenn vart avvikla. Tevlinga i klassisk stil var også kvammameisterskap. Kvam langrenn- og skiskyttarklubb delte ut kilovis med premiar til store og små ikkje lét vind og kuldegrader øydeleggja skigleda..
Les meir i HF fredag.
Trygge barnehager AS vil utvida i Kvam
Tørvikbygd mobiliserte då barnehageplanen vart drøfta i fjor. Bygda får truleg ikkje kommunal barnehage i Fredsvik.
Arkivfoto: Lars Arvid Oma
Nesten halvparten av borna i barnehagane i Kvam kan koma til å gå i private barnehagar. Trygge barnehager AS er villig til å overta born og tilsette i barnehagane i Tørvikbygd, Strandebarm og Norheimsund barnehagar.
Les meir i HF i dag.
Protesterer mot legevaktkostnad
Legevakta for Jondal ligg frå 2. april i Røldalsvegen i Odda. Jondal kommunestyre slutta seg onsdag til samarbeidsavtalar med Odda, Ullensvang og Helse Fonna HF, men varsla samstundes omkamp.
Jondalspolitikarane synest det er urettvist at den felles legevakta skal kosta meir enn då Jondal og Ullensvang dreiv i lag. Kommunestyret vil ha nye tingingar om kostnadsdelinga.
Les meir i HF fredag.
To brannar på rad i Norheimsund
Bustadbrannen på Valland vart varsla eit kvarter etter at brannen på Norheim var sløkt.
Foto: Sigbjørn Linga
Rett etter at ein ulmebrann var sløkt i "Frøken Nygaard-huset" på Nedre Norheim, måtte Kvam brann- og redningsteneste onsdag rykkja ut til ein bustadbrann på øvre Valland. Ingen personar kom til skade i brannane.
Bustadhuset på Valland synest vera overtent, og vert truleg totalskadd. Ifølgje operasjonsleiar Preben Wallestad i Hordaland politidistrikt bur det to personar i huset. Lensmann Terje Kvalvik opplyser at éin person oppheldt seg i bygningen då brannen braut ut. Ingen er sakna.
Wallestad opplyser at brannen på Norheim starta i ein stikkontakt i ein hybel i kjellarhøgda. Det var ikkje personar til stades på hybelen. Det er fem husvære i bygningen. Brannen vart varsla klokka 09.58 og var sløkt rett før klokka 10.30.
Søkjer på nytt om bryggje
Setjefylkesmannen i Sogn og fjordane oppheva i 2011 planutvalets vedtak om å gje Kristian Øye dispensasjon for å leggja ut ei flytebryggje på gard nummer 76/16 i Ytre Ålvik. Fylkesmannen i Hordaland klaga på vedtaket, mellom anna fordi bryggja er i strid med overordna plan, og fordi tiltaket skal etablerast i eit område der det ikkje er gjort inngrep i strandsona.
Nyleg søkte Øye igjen, og denne gongen er søknaden endra. Bryggja skal ikkje lenger berre ha ein privat funksjon, men også fungera som sikringsbryggje for Lingalaks AS.
Øye treng både dispensasjon, byggjeløyve og løyve etter hamne- og farvasslova for å etablera bryggja. Rådmannen meiner han bør få alt han treng. Planutvalet handsamar saka i morgon.
Deler hjortestamme, men ikkje synspunkt
Hjort gjer stor skade på avling i Tørvikbygd. "Skutevikbukken" gjekk tilmed laus på blomebed i bustadfelt.
Arkivfoto: Åsmund Soldal
Grunneigarane i ytre og indre delar av Kvam er usamde om kor stor hjortestamma bør vera. Bønder i Tørvikbygd og på Innstranda må avfinna seg med tap på 700–1.000 kroner per mål innmark, mellom anna fordi yrkesbrør i indre strøk ynskjer meir hjort.
Viltfondet i Kvam har bruka fleire hundre tusen kroner på merkjeprosjektet Hordahjort utan å få svar på det mest sentrale spørsmålet: Kvar høyrer hjorten eigentleg heime?
Les meir i HF tysdag.
Mødalsvegen vert anleggsveg
Den nedste kilometeren av Mødalsvegen på Kvamskogen skal brøytast rett etter påskehelga. Vegen vert anleggsveg medan Kvam herad oppgraderer Kvamskogen vassverk. Hytteeigarar i området meiner heradet burde ha informert om planane.
For eitt år sidan slo Kvam heradsstyre fast at vegen ikkje skal brøytast, mellom anna fordi han er trasé for ei populær skiløype. Vegeigarane har gjeve løyve til transport med ti tonn aksellast i anleggsperioden.
Entreprenør Henrik Steine seier at det vert opparbeidd ei skiløype parallelt med vegen.
Les meir i HF tysdag.
Mellom anna hardangerfjordforskrifta, takstsøknaden frå Hardangerbrua AS og flytting av skytebanen til Vangdalsåsen står på saklista til formannskapsmøtet i Kvam rådhus kl. 9 i dag. Møtet er ope for ålmenta.
Manglar fire femdelar av pengane
Gang- og sykkelvegen og dei to skibruene på Kvamskogen kan kosta over førti millionar kroner, ifølgje kostnadsoverslag frå Statens vegvesen. Så langt er den einaste løyvinga til prosjekta ti millionar kroner i Kvammapakken. Litt av summen er alt bruka på planlegging og prosjektering.
Reguleringsplanen for strekkja vert drøfta i planutvalet i Kvam onsdag.
Les meir i HF i dag.
Foto: Sigbjørn Linga
Alexander Blokzijl (biletet) var ein av 29 skyttarar på krinsmeisterskapen i feltskyting på Kolltveit laurdag. Han vart ikkje meister der, men slo sterkt tilbake då han vart samlagsmeister sundag.
Les meir i HF i dag.
Nøgd med treningshelg i Kvam
Foto: Sigbjørn Linga
Ørjan Norheim Johansen (biletet) og lagkameratane i Sleipner tregar ikkje på at dei reiste på treningssamling i Kvam. Mellom ingrediensane i helga var tre treningsøkter, ein treningskamp, ein fellesfrukost og ein fest. Ettersom sjettedivisjonslaget makta å spela uavgjort mot femtedivisjonslaget Norheimsund, fekk Sleipner ein god generalprøve ein månad før seriestart.
Les meir i HF i dag.
Anne Lien og dottera Ingrid nyt sola i hytteveggen i Aarhus-feltet på Kvamskogen. Familien er ein av mange som kan verta råka av forbodet mot nye tiltak på ein del av Kvamskogen.
Foto: Katrine Helgheim
Nye planar og tiltak på strekkja Naf–Ungdomsheimen på Kvamskogen vert ikkje tillatne før gang- og sykkelvegen og to skibruer er på plass. Ingen veit kor mykje tiltaka vil kosta, og ingen veit korleis dei skal betalast. Kvammapakken inneheld ti millionar kroner til trafikksikring på Kvamskogen, og Kvam herad arbeider med ein modell som skal sikra bidrag frå utbyggjarane.
Les meir i HF i dag.
Norheimsund og Øystese skyttarlag leiger grunn av Kvam herad til skytebanen i Tolomarka. Festeavtalen går ut i sommar, men grannelaget må truleg avfinna seg med skyteaktivitet i to år til.
Rådmannen meiner avtalen bør lengjast til 2015. Formannskapet skal tysdag drøfta framdrifta i arbeidet med ny skytebane i Vangdalsåsen. Rådmannen meiner heradet bør kjøpa naudsynt areal. Grunneigar Mikal Aarekol seier at det i så fall vert etter ei oreigning. Vangdalsbøndene sel ikkje godvillig.
Les meir i HF fredag.
Skal vega sysselsetjing mot miljø
Kvam herad bør be Fiskeri- og kystdepartementet droppa planen om å innføra ei forskrift for oppdrett i Hardangerfjorden, meiner rådmann Arild McClellan Steine. Han trur framlegget til forskrift trugar sysselseting og verdiskaping i oppdrettsnæringa. Heradsstyret skal vedta høyringsfråsegn 9. april.
Håkon Tombre i næringsorganisasjonen Hardangerfjordlauget hevdar at departementet legg opp til kollektiv straff for ei heil næring dersom éin oppdrettar overskrid "produksjonskvoten". Mindre selskap kan gå over ende dersom produksjonen vert redusert, påpeikar han.
Leiar Sven-Helge Pedersen i Hardangerfjord villfisklag synest det er på tide å bremsa veksten i oppdrettsnæringa. Han seier at mengda av oppdrettslaks i fjorden er langt over bereevna. Vill laks og sjøaure er hardt pressa av lakselus, medan arvestoffet til stadeigen gytefisk vert "ureina". Dette skuldast oppdrettsnæringa, seier villfiskvenen.
Les meir i HF fredag.
Opnar sesongen med cupkvalifisering
A-laget til Øystese fotball opnar i kveld sesongen med kvalifisering til noregsmeisterskapen. Kampen mot Odda skulle eigentleg vore spela i Øystese, men er flytta til Åsane på grunn av is langs sidelina på banen. Ifølgje oystesefotball.no har ein gjeng prøvd å fjerna isen med både spett, slegge, spade og salt, men isen er så massiv og nettene så kalde at freistnadene var fånyttes.
Mannskap frå Kvam brann- og redningsteneste driv ettersløkking.
Foto: Lars Arvid Oma
Eit nyoppussa bustadhus i Stekkavegen i Tørvikbygd vart torsdag morgon totalskadd av brann, opplyser lensmann Terje Kvalvik i Kvam og Samnanger lensmannsdistrikt. Ingen personar oppheldt seg i huset då brannen braut ut. Huset stod i full fyr då brannvernet kom.
Politiet vart varsla klokka 08.26.
Utdanninga "VG2 køyretøy" vert likevel ikkje plassert på Norheimsund vidaregåande skule. Fleirtalskonstellasjonen i fylkestinget – Frp, V og H – har ombestemt seg og vil flytta lina til Voss vidaregåande skule.
Konstellasjonen vil framleis samlokalisera Øystese gymnas og Norheimsund vidaregåande skule i eit "nytt bygg" i Norheimsund, som det heiter i framlegget. Det vert truleg vedteke tysdag ettermiddag.
Les meir om ordskiftet i HF fredag.
Aalvik vart noregsmeister
Erling Aalvik avsluttar sesongen med senior-NM om to veker.
Arkivfoto: Åsmund Soldal
Erling Aalvik frå Ålvik vart fredag noregsmeister i normalprogrammet i skiskyting for juniorar. I tillegg vart han nummer fire i sprint og stafett.
Skiskyttaren meiner fredagens tevling i Sirdal var hans beste renn nokon gong. Han avslutta med fullt hus og kom i mål nesten to minutt før andremann.
Prosjektstønad gjekk inn i drifta
Arkivfoto
Styreleiar Roger Vassnes (biletet) i Hardanger talentutvikling AS seier han har arbeidd gratis med prosjektet selskapet fekk kompensasjonsstønad til, og at pengane har gått til den generelle drifta av selskapet. Som dokumentasjon på utgiftene med prosjektet har han sendt lønsslippane til ein tilsett som har arbeidd svært lite med det omsøkte prosjektet.
Rådmannen i Kvam meiner tida er inne for å evaluera rutinane i kompensasjonsordninga. Kvam herad har allereie betala ut tilskotet til Hardanger talentutvikling utan å kontrollera eller revidera prosjektet. Heradet er prosjektansvarleg og skal gjera desse oppgåvene, ifølgje Hordaland fylkeskommune.
Fleire styremedlemer i Hardanger talentutvikling seier dei har visst lite om prosjekta det vart søkt om pengar til. Det har ikkje vore ordinære styremøte i selskapet.
Les meir i HF i dag.
Sommarskisenteret opnar med nye eigarar
Dagleg leiar Andreas Skogseth ynskjer å tilretteleggja sommarskisenteret også for gjester utan ski.
Foto: Åsmund Soldal
Visit Fonna AS har overteke sommarskisenteret på Folgefonna. Andreas Skogseth frå Sandnes vart den fyrste daglege leiaren i selskapet. Han opplyser at Visit Fonna kjem til å investera om lag to millionar kroner i år, mellom anna i ei oppgradering av skitrekket.
Det har kome forholdsvis lite snø i vinter. Sommarskisenteret opnar 1. mai. Lenging av trekket gjer at det vert stengt frå midten av august.
Les meir i HF fredag.
Brynhild Brattabø er klar for sitt Ridderrenn nummer 19.
Foto: Jan Arne Dammen
Då Brynhild Brattabø (47) frå Jondal melde seg på til Ridderrennet, var ho innstilt på å grava djupt i lomma for å vera med på årets høgdepunkt. Det slepp ho. Brattabø vann trekkinga av Lions Maud Oslos gåve til deltakarane i høve Ridderrennets 50-årsjubileum. Dermed får jondølingen som éin av 420 deltakarar dekt kostnaden med reis til og opphald på Beitostølen i Ridderuka.
Les meir i HF fredag.
Hardhausar kryssa Hardangervidda
Sjurd Eknes, Morten Steine og Jakob Aarekol frå Norheimsund starta i verdast hardaste langrenn frå Haukelisæter torsdag kveld. Laurdag morgon passerte laget mållina ved Maurset. Trioen kom heilskinna og i god form frå den ti mil lange dysten i snøstorm, mørke og kuldegrader. Karane gjekk i mål éin time før rennet vart stogga på grunn av uvêr.
Arne-Kristian Teigland frå Øystese gjekk rennet åleine, sjølv om han heldt saman med trioen frå Norheimsund i delar av Expedition Amundsen. Teigland kom også i mål laurdag morgon, sjølv om han måtte greia seg med ein skistav, mørklagd hovudlykt, ei knekt ski og skadd pulkdrag.
Les meir i HF tysdag.
Ungjekk konflikt om tariffavtale
Dei fagorganiserte ved Gule´s mek. og landbruksverkstad AS i Øystese får ein tariffavtale. Fristen for ei semje var midnatt sundag. Ifølgje LO-leiar Dag Rune Mo i Kvam vart arbeidsgjevaren og dei fagorganiserte i Fellesforbundet samde fredag kveld. Det vil seia at det ikkje vert noko av ein varsla streik frå måndag.
Gro Skeie og kollegaene meiner fylkespolitikarane kan koma til å gje skulesamanslåing i Kvam ein dårleg start.
Foto: Sigbjørn Linga
Arbeidstakarorganisasjonane ved Øystese gymnas er kritiske til framlegget om å vedta kvar den nye vidaregåande skulen i Kvam skal liggja alt no. Dei meiner fylkestinget ikkje bør utelukka andre alternativ enn å plassera skulen i Steinsdalen. Truleg finst det argument for og mot både skule i Steinsdalen, ein ny skule på ei ny tomt, og skule på tomta til Øystese gymnas, meiner Gro Skeie. Ho har gått i bresjen for ei oppmodinga til fylkespolitikarane om å venta med lokaliseringsavgjerda. Kollegaene på Norheimsund vidaregåande skule ynskte ikkje å støtta innspelet.
Les meir i HF i dag.
Framleis dagdrift ved Jondal ambulansestasjon
Vaktlaget ved ambulansestasjonen i Jondal stilte måndag på jobb i Odda. Samordninga av ambulansetenesta er likevel ikkje gjennomførd. Inntil vidare skal basen i Jondal vera i beredskap ti timar per dag. Det skuldast at ambulansestasjonen i Odda må byggjast om før ein får plass til materiellet og dei tilsette frå Jondal. Jondalsambulansen skal stå i Odda om natta.
Les meir i HF fredag.
|
Er det eit gode med større trafikk i Kvam?
|