|
|
Håkan Hellström til Bygdalarm
 Håkan Hellström spelar på Bygdalarm i Øystese 5. juli. Svensken, som debuterte med albumet Känn ingen sorg för mig Göteborg i 2000, gjev ut si sjuande plate i april. – Håkan Hellström er sjølve definisjonen på Bygdalarms eigenkomponerte sjanger "deilegpop", seier festivalsjef Arne-Kristian Teigland. Les meir i dagens HF.
Håkan Hellström toppar plakaten på Bygdalarm fredag 5. juli.
Foto: John Scarisbrick
Ljones meiner Kvam må krevja medverknad i skulesak
Terje Søviknes (Frp) meiner risikoen for ein ny skulestrid i Kvam er eit argument for å avgjera kvar den nye vidaregåande skulen skal liggja allereie no. Her talar han til frammøtte ungdomar i Odda torsdag.
Foto: Sigbjørn Linga
H, V og Frp vil skjera gjennom og avgjera kvar den nye vidaregåande skulen i Kvam skal liggja allereie i mars. Partia meiner tomta til Norheimsund vidaregåande skule er rette staden. Jostein Ljones (Sp) i Kvam og Hordaland Sp er kritisk til argumentasjonen, og meiner ordførar Asbjørn Tolo (H) burde koma på banen og krevja at det offisielle Kvam får påverka avgjerda.
Ordføraren har ikkje planar om å gripa inn i saka, og seier han har forståing for argumentasjonen til fleirtalet. Han minner også om at fylkeskommunen som skuleeigar har makt til å avgjera plasseringa.
Les meir i HF i dag.
Ventar med å ta skule i bruk
Skulen og idrettshallen får felles inngangsparti.
Foto: Åsmund Soldal
Det vert ferdigsynfaring i Norheimsund skule 5. mars. Berre møblar manglar før den nye skulen kan takast i bruk, men det vil ikkje skje med det fyrste.
Rektor Odd Øygarden opplyser at skulen truleg vil venta med å flytta inn i nye lokale til uteområdet er ferdig.
Det kan ta tid, for telen er djup, opplyser Kvam herads byggjeleiar.
Les meir i HF tysdag.
Statnett fekk nei til trafo
Noregs vassdrags- og energidirektorat (NVE) har avslege ein søknad frå Statnett SF om konsesjon for eit transformatoranlegg på nordsida av Tokagjel. I staden får BKK nett AS løyve til å erstatta den gamle 132 kilovolt-lina over Kvamskogen med ei ny høgspentline mellom Øystese og Samnanger.
Ifølgje NVE vil ein transformatorstasjon på Kvamskogen skapa store landskapsinngrep og medføra større ulemper enn føremonar. Ei ny BKK-line vil dessutan ha god nok kapasitet, heiter det.
Då tidlegare olje- og energiminister Terje Riis-Johansen (Sp) avgjorde at Simadal–Samnanger-lina skulle byggjast, gav han Statnett ordre om å søkja om konsesjon for ein transformatorstasjon i Øystese.
Les meir i HF tysdag.
1. mai 2011 vart Kafé kraftstasjonen opna på torget i Ålvik. Kafédrifta har vore organisert av lokale lag og organisasjonar, men no ynskjer Foreningen Torget Ålvik BA at private krefter skal ta over.
– Målet vårt var å få kafeen opp og gå for så å selja han. Det er viktig å innsjå sine avgrensingar. Me var dei rette til å byggje kafeen opp, men er ikkje dei rette til å driva han, seier styreleiar i Foreningen Torget Ålvik BA, Frode Jacobsen.
Kafeen skal ifølgje Jacobsen seljast for ti kroner.
Else Linn Aksnes er per dags dato dagleg leiar for Kafé kraftstasjonen i Ålvik.
Foto: Camilla Kvamme
Frode Strønen meiner giftfunna i brosme og blålange i Hardangerfjorden fyrst og fremst er eit omdømmeproblem.
Foto: Lauritz Eide
Styreleiar i Fisk frå fjorden, Frode Strønen, er uroa for omdømmet til fisk frå Hardangerfjorden etter at Mattilsynet utvida kosthaldsråda for fjorden nyleg. Ifølgje råda frå tilsynet skal ein ikkje eta brosme eller blålange som er fiska innanfor Flornes på Tysnes og Breidvikneset på Husnes. – For mange er ein fisk ein fisk. Dei skjøner ikkje at det er skilnad på blålange og sei, seier Strønen. Fiskeslaga som er "friskmelde" av Nifes (Nasjonalt institutt for ernærings- og sjømatforskning) utgjer 99 prosent av fangsten til fiskarane frå Hardanger.
Les meir i dagens HF.
Personalhytte kan gå med på kjøpet
Den omstridde hytta vart bygd som arbeidsbrakke for skogsarbeidarar.
Foto: Steinar Smith
Helse Fonna HF vil selja "systerhytta" ved Vassendvatn aust for Krossdalen saman med resten av Jonatunet-eigedomen. Tidlegare tilsette ved den psykiatriske sjukeheimen tvilar på om føretaket kan gjera det, for dei meiner bygningen er eigd av personalet. Jondal kommune har utfordra arbeidstakarorganisasjonane i kommunen til å koma med forslag om lagnaden til hytta. Bør kommunen og dei tilsette gå saman om ei bedriftshytta? spør rådmannen, som ventar svar før styremøtet i Helse Bergen HF 6. mars.
Les meir i HF fredag.
Lèt barnehagar finna løysingar
Dei kommunale barnehagane i Kvam skal tilby anten heile eller halve plassar. Det står heradsstyret fast på. Etter framlegg frå Sp opna likevel politikarane måndag for å gje styrarane ein viss handlefridom, slik at barnehagekapasiteten vert best mogeleg utnytta.
Organiseringa av barnehagane vert elles slik heradsstyret bestemte i budsjettvedtaket 18. desember. Oppseiingstida av barnehageplassar vert tre månader og feriestenginga fire veker.
Les meir i HF fredag.
Hordaland folkeblad hadde i fjor eit netto opplag på 5.633. Opplaget auka med 13 frå 2011. Dermed er HF éi av to lokalaviser i fylket som ikkje tapa abonnentar i fjor. Den andre er Bømlo nytt, som auka med 46 eksemplar til 3.198.
Hordaland på Voss hadde eit opplag på 8.777, og gjekk attende med 35. Opplaget til Hardanger folkeblad i Odda minka med 119 til 5.023. Grenda i Rosendal hadde ein tilbakegang på 30 aviser til 2.334. Kvinnheringen på Husnes gjekk tilbake med 44 til eit opplag på 4.325, medan Samningen i Samnanger enda med 1.404. Det er ein tilbakegang på 13.
Filmskapar med stor fantasi
 Sondre Hallvardson Bjørgum veit ikkje heilt når interessa for film oppstod. Men den filminteresserte mormora hans hadde truleg ein finger med i spelet. – Mormora mi elska filmar som James Bond, Rambo og Star Wars, fortel Bjørgum. Les meir om regissøren i dagens HF.
Sondre Hallvardson Bjørgum frå Norheimsund har vore regissør for Dyrepasserne på TV 2 i vel to år. Han har også fleire eigne prosjekt på gang.
Foto: Camilla Kvamme
Konsert med klimaprofessor
Komponist Glenn Erik Haugland (t.v.) og professor Jostein Bakke gav publikum fagleg innsyn i klimaspørsmål.
Foto: Åsmund Soldal
Utstillinga Grøne sjøar og blått blod vart opna i Kabuso i helga med installasjonar, skulptur, bilete, foto og video. Alt er inspirert av Folgefonna.
Konserten Musikalske undringar var ein del av kunstprosjektet. Publikum i Kabuso fekk for fyrste gong ei naturvitskapleg innleiing til ein konsert. Professor Jostein Bakke frå Jondal opplyste mellom anna at storleiken på Folgefonna vert bestemt av temperaturane ved ekvator.
Les meir i HF tysdag.
Dramajentene iscenesette eit amerikansk skuleball.
Foto: Åsmund Soldal
Drama-, dans- og kulissegruppa ved Jondal kulturskule trassa sjukdom og andre utfordringar. 14 jenter pluss musikarar gjennomførde sundag musikalen Grease utan feilskjer i ein fullsett ungdomshussal. Måndag hadde ensemblet tre skuleframsyningar.
Grease var den femte sceneframsyninga til Jondal kulturskule på like mange år.
Les meir i HF tysdag.
Utbyggjar Kolbjørn Steine meiner det er lett å selja fritidshusvære på Kvamskogen.
Foto: Åsmund Soldal
Byggjearbeidet starta i august. I desse dagar flyttar dei fyrste kjøparane inn i "rekkjehytta" ved Aktiven skiheis på Kvamskogen. Utbyggjar Kolbjørn Steine har selt fire av seks fritidshusvære utan å annonsera – før huset var ferdig.
– Det er eit stort potensial for fritidshusvære nær aktivitetssenter på Kvamskogen, men ein bør leggja opp til heilårsaktivitetar, seier Steine.
Les meir i HF tysdag.
Fleirtalskonstellasjonen i opplærings- og helseutvalet i Hordaland tilrådde 12. februar at den framtidige Kvam vidaregåande skule skal koma i Norheimsund. Torsdag vil fylkesutvalet avgjera om lokaliseringssaka skal gå vidare til fylkestinget. Ifølgje tidlegare kvammaordførar Astrid Farestveit Selsvold (Ap) i opposisjonen tyder ikkje noko på at fleirtalet kjem til å endra tilrådinga.
– Me tilrår å plassera den nye, samanslegne skulen ved Norheimsund vidaregåande skule etter oppmoding frå næringslivet i Kvam. Opplærings- og helseutvalet hugsar bråket om Kvam ungdomssskule, og vil ikkje opna for ein lokal debatt om plassering av den nye skulen, seier utvalsleiar Roald Stenseide (Frp).
Les meir i HF tysdag.
Ein mann (49) vart fredag frakta til Haukeland universitetssjukehus med luftambulanse etter ei ulukke i Furedalen alpin på Kvamskogen. Ifølgje operasjonsleiaren i Hordaland politidistrikt køyrde skiløparen inn i ein polstra stolpe på ein snøkanon. Ulukka skjedde øvst i henget utanfor den prepareerte løypa. Mannen skal vera alvorleg skadd. Ulukka vart varsla klokka 11.48.
Undrast over skuleprosess
Tomta til Norheimsund vidaregåande skule er på 30 mål.
Foto: Åsmund Soldal
Både skulepolitikar Alexander Fosse Andersen (Sp) og rektor Vidar Ask ved Norheimsund vidaregåande skule synest opplærings- og helseutvalet handla i raskaste laget då fleirtalet "plasserte" den framtidige Kvam vidaregåande skule i Steinsdalen.
– Det ville vore naturleg å lokalisera skulen etter ein grundig prosess, etter vedtaket i fylkestinget, meiner Ask.
Fylkesrådmann Rune Haugsdal opplyser at han ikkje har noko vedtak å retta seg etter før fylkestinget har sagt siste ordet.
Saksordførar Rosalind Fosse (Frp) meiner det er naturleg å plassera skulen i Norheimsund fordi det er plass til ei utviding av Norheimsund vidaregåande skule. Det er ikkje plass til å utvida Øystese gymnas, seier ho.
Les meir i HF fredag.
Slepp sitja heime – heldigvis
Joachim Gjerde har vore fan av Kaizers orchestra i mange år. Her saman med kona, Katrine Froestad Gjerde, og borna Even (3) og Adele (5 månader).
Foto: Camilla Kvamme
Då Joachim Gjerde ikkje klarte å skaffa billettar til Kaizers orchestra-konserten i Øystese i kveld, vart han utruleg frustert. Etter fleire månader med klaging, tok kona, Katrine Froestad Gjerde, pennen fatt. I kveld får Gjerde oppleva yndlingsbandet live for aller fyrste gong – i heimbygda.
Les meir i dagens HF.
Veteran i ein klasse for seg
Brynjulf Måkestad forbetra sin gamle banerekord med eitt sekund.
Foto: Åsmund Soldal
Kvammameisterskapen på skeiser vart avvikla under gode tilhøve på idrettsplassen i Norheimsund onsdag kveld. 33 løparar stilte til start. Hardanger skøyteklubb personleg, Brynjulf Måkestad, sette ny banrekord på 500 meter med tida 43,59 sekund. Han fekk dermed sin eigen vandrepokal til odel og eige.
– Dette var den beste 500-meteren min så langt denne sesongen, seier Måkestad, som tevlar i veteranklasse 60–65 år.
Les meir i HF fredag.
Tilrår Kvam vidaregåande skule i Norheimsund
Fleirtalet i opplærings- og helseutvalet i Hordaland fylkeskommune støttar fylkesrådmannens innstilling til skulebruksplan med små justeringar. Ifølgje utvalsmedlem Alexander Fosse Andersen (Sp) frå Kvam rår utvalet dermed til ei samanslåing av Norheimsund vidaregåande skule og Øystese gymnas, og gje yrkesfagopplæring ei framtid i Kvam.
– Utvalets haldning lovar svært bra for dei vidaregåande skulane i Kvam, meiner Andersen.
Han er mindre nøgd med at utvalsmedlemene frå H, Frp og V fekk gjennom at den nye skulen skal liggja i Norheimsund.
– Det synest eg er altfor tidleg å ta stilling til no, seier Sp-representanten.
Les meir i HF fredag.
19. oktober gav Vamp ut si trettande plate, Liten fuggel. 26. april spelar Haugesund-bandet i Øystese.
Foto: Haakon Nordvik
Onsdag i førre veke vart 400 billettar til Vamp-konserten på Hardangerfjord hotell i Øystese 26. april lagde ut for sal. Tre dagar seinare var konserten utseld. Arrangør Alvin Vestrheim i Lyd i løo håpar arrangementet vert ei minnerik oppleving for tilhøyrarane.
– I Hardangerfjordsalen får publikum høve til å koma tett på bandet og oppleva musikken på nært hald. Håpet er at konserten vert ein "snakkis", seier Vestrheim.
Sundag inviterte Herand musikklag, tradisjonen tru, til fastelavnskonsert i det tidlegare skulehuset i bygda. Vaksne og born fekk høyra låtar som Blues for brass, King of the road og Easy pop suite. Etter konserten diska musikklaget opp med fastelavnsbollar og anna godt.
– For at noko skal verta ein tradisjon, må det ha skjedd minst tre gonger. Det er tredje gongen Herand musikklag kombinerer konsert med fastelavnsbollar, difor har eg gleda av å ynskja velkomen til den tradisjonelle fastelavnskonserten i Herand, sa Margreta Sandvin Eiken før musikantane bles i gang festen.
Les meir i dagens HF.
– Når ein er så få i korpset, er nesten alle solistar, sa dirigent Tor Storegjerde. Her er det leiar i musikklaget, Ingeborg Huus, som spelar solo på eufonium.
Foto: Camilla Kvamme
Jondølingar på Odda-scene
Jentebandet 4ever skal representera Jondal i fylkesmønstringa i Ungdomens kulturmønstring.
Foto: Ann Kristin Eide
Jondølingane gjorde mykje av seg då ungdomar frå Jondal, Ullensvang og Odda sundag møttest til Ungdomens kulturmønstring i Meieriet allaktivitetshus i Odda. Jentebandet 4ever og kunstinnslaga til Amalie Ulseth, Pauline Kvåle og Guro Andersen går vidare til fylkesmønstringa i Os 12.–13. april.
Les meir i HF tysdag.
Mann omkom i brann på Torsnes
Den omkomne vart funnen i branntomta måndag.
Foto: Camilla Kvamme
Ein omkomen person vart måndag funnen i branntomta etter bustadbrannen i Myrlid ved Torsnes. Ifølgje politioverbetjent Øystein Torsnes i Hardanger lensmannsdistrikt reknar politiet med at den omkomne er den sakna Inge P. Gangdal (81). Identiteten til den omkomne er enno ikkje stadfesta. Brannen laurdag morgon vart meld til politiet klokka 08.28.
Torsnes opplyser at brannetterforskarar frå Hardanger lensmannsdistrikt og personell frå brannvernet granska branntomta måndag føremiddag. Det var ikkje mogeleg å starta før på grunn av sterk varme. Etterforskarane seier førebels ikkje noko om brannårsaka. Ifølgje Torsnes vert etterforskinga krevjande av di bygningen er totalt utbrend.
Brannmannskap skar hol i vegen for finna mogeleg ulmebrann.
Foto: Åsmund Soldal
Ingen personar vart skadde då det braut ut brann i eit bustadhus i Kyrhagen i Øystese fredag. Brannen vart varsla klokka 9.44. Ifølgje operasjonsleiaren i Hordaland politidistrikt oppstod brannen i eit sikringskap og spreidde seg til ein vegg. Atle Barane i Kvam brann- og redningsteneste opplyser at personen som var i huset, varsla så presist at brannfolka visste kva dei gjekk til og kvar sløkkinga burde byrja. Det hadde vore ned mot 15 kuldegrader om natta. Brannvernet hadde med 16.000 liter vatn i fall hydrantane skulle vera frosne. Huset vart sot- og vasskadd.
Damvegen truleg til Miljøverndepartementet
Kvam herad meiner tilkomsten bør gå via skogsbilvegen til Sæleset i Ytre Ålvik. Veglaget er usamd.
Arkivfoto: Åsmund Soldal
Den planlagde vegen til fjells i Ålvik bør ikkje gå høgare enn til 475 meter over havet, meiner Fylkesmannen. Veglaget ynskjer veg til Geithaug i snaufjellet, medan Kvam herad vil ha veg til Heller.
Kvam herad og Fylkesmannen skal freista mekla seg fram til ei løysing, men samfunns- og utviklignssjef Jon Nedkvitne i Kvam trur avstanden er så stor at meklinga kan stranda. Dermed kan saka hamna i Miljøverndepartementet.
Les meir i HF fredag.
Tilrår ei framtid for yrkesfaga
Skulebygningane i Steinsdalen skal brukast til Kvam har fått ny vidaregåande skule dersom forslaget vert vedteke.
Arkivforto: Åsmund Soldal
Ingenting vert førebels endra på Norheimsund vidaregåande skule dersom fylkesrådmannens framlegg til skulebruksplan vert vedteke.
Tilrådinga til fylkesrådmannen skal drøftast i opplærings- og helseutvalet og fylkesutvalet før fylkestinget gjer det endelege vedtaket 12.–13. mars.
Rektor Vidar Ask ved Norheimsund vidaregåande skule er glad for at fylkesrådmannen ynskjer å vidareføra dagens fagtilbod.
Øystese gymnas får truleg framleis ha eit truga tilbod til elevar med framandspråkleg bakgrunn. Dei vidaregåande skulane i Kvam mistar etter alt å dømma den såkalla påbyggklassen.
Fylkesrådmannen meiner dei offentlege vidaregåande skulane i Kvam bør gå saman til éin. Inntil vidare føreslår han at Norheimsund vidaregåande skule og Øystese gymnas skal vera éin skule med to avdelingar.
Noverande skuleanlegg skal brukast til det vert bygt ny vidaregåande skule i Kvam, tilrår fylkesrådmannen.
Les meir i HF fredag.
Starta 2013 med årets høgdepunkt
Ballet starta med polonese.
Foto:Åsmund Soldal
Norheimsund skule rakk akkurat å feira det nye året medan det enno var januar. 265 elevar og 50 tilsette inntok torsdag Norheimsund idrettshall då skulens femte nyttårsball vart avvikla. Elevane frå tidlegare Steinsdalen og Vikøy/Aksnes skular var med for fyrste gong.
Les meir i HF tysdag.
I 16-tida laurdag vart Norheimsund Røde kors hjelpekorps på Kvamskogen kontakta av ein mann som ikkje kom seg ned frå fjellet for eiga maskin på grunn av tett tåke. Han oppheldt seg ein stad mellom Tveitakvitingen og Gråfjell.
– Mannen var godt utstyrt, og hadde grave seg ned i snøen. Han vart funnen litt før klokka halv åtte på kvelden. Alt stod bra til med han, og han vart frakta ned av Røde kors, opplyser politioverbetjent i Kvam og Samnanger lensmannsdistrikt, Marit Erstad.
Det lokale politiet i Kvam deltok ikkje i redningsaksjonen.
Stengjer ikkje veg måndag
Kjosås maskin AS varsla i førre utgåve av HF at fylkesveg 130 i Sundsvik i Norheimsund skulle stengjast i eitt døger frå måndag 4. februar klokka 9. På grunn av all snøen er stenginga utsett til tysdag, opplyser Kai Neteland i Kjosås maskin.
Erling Aalvik verdsmeister igjen
Erling Aalvik gjentok suksessen frå i fjor. Fredag gjekk han fyrste etappe på laget som vann skiskyttarstafetten i juniorverdsmeisterskapen i Austerrike.
Håvard Bogetveit, Vegard Gjermundshaug og Johannes Thingnes Bø gjekk dei andre etappane.
Inga forståing for ambulanseflytting
Brannsjef Georg Kvåle i Jondal meiner Helse Fonna omorganiserer så mykje at ein risikerer å gløyma pasientane.
Foto: Åsmund Soldal
Jondølingane må avfinna seg med at ambulansen får ein halv time lengre responstid når den lokale basen vert flytta til Odda. Helse Fonna har bestemt at slik er det. Eit folkemøte på Jonsvoll i Jondal tysdag synte at slik vil ikkje jondølingane ha det. Ingen av dei om lag nitti møtedeltakarane støtta omlegginga til ein sentral ambulansestasjon i Odda. Trøysta er at stasjonen i Odda treng ombygging. Arbeidet kan ta månader. Inntil vidare vert det såleis drift i ambulansestasjonen i Hestahagen.
Samanslåing av ambulansestasjonane skuldast Jondalstunnelen.
Les meir i HF fredag.
Årets russerevy tek føre seg kommunale, nasjonale og internasjonale forhold, fortel instruktør Benedicte Lunestad og revysjef Tord Eirik Valestrand Berge.
Foto: Camilla Kvamme
I kveld er det premiere på årets russerevy, Kvam på vent, i Holmatun i Øystese. Då HF var innom øvinga tysdag hadde tredjeklassingane litt av kvart å hengja fingrane i. – Eg er litt stressa, men eg har trua. Revy vert det uansett, fortalde instruktør Benedicte Lunestad.
Mellom femti og seksti elevar bidreg til at årets revy skal gå knirkefritt. I løpet av helga er det sett opp fire framsyningar i Holmatun.
– Om folk vil ha meir, er me klare for ei ekstraframsyning, proklamerer revysjef Tord Eirik Valestrand Berge.
Les meir om revyen i dagens HF.
 Etter berre to og eit halvt år i kjeda vart Bygger´n Hardangerfjord kåra til årets Bygger´n-butikk 2012. Butikksjef Bjørn Jarle Tordal trudde nesten ikkje sine eigne øyrer då kvemmingane vart utropa til vinnarar. – Eg jubla som ein vinnar berre av å vera blant dei åtte nominerte, seier Tordal.
Les meir i dagens HF.
Assisterande dagleg leiar i Bygger´n Hardangerfjord, Bjørn Jarle Tordal og dagleg leiar, Ole Tvedt er godt nøgd med prisen.
Foto: Camilla Kvamme
Klur med HF-distribusjon i Strandebarm
Om lag femti abonnentar i Strandebarm får ikkje Hordaland folkeblad til rett tid fredag. Det skuldast at avisene har hamna i Odda. Ifølgje postterminalen i Odda må dei råka abonnentane avfinna seg med at avisa fyrst kjem laurdag.
HF seier seg lei for seinkinga.
|
Er det eit gode med større trafikk i Kvam?
|