|
|
 Torsdag inviterer seks unge låtskrivarar frå Kvam til konsert i kafé Sutalaus i Tunet i Øystese. På repertoaret står songar som kulturskuleelevane har skrive sjølve
Les meir om konserten i dagens HF.
Anja Solberg (t.v.) og Isolde Holt Holene byrja skriva eigne låtar for vel eit år sidan. 14-åringane skriv om det som opptek dei. Det vil seia alt frå planar for framtida til personar dei saknar.
Foto: Camilla Kvamme
Nektar kraftverk å regulera Vassendevatn
Vassendevatn i Jondal.
Foto: Privat
Om eitt år fell dommen over sju små kraftanlegg i Jondal. Normalt skal fire–fem få utbyggingsløyve. Minst eitt prosjekt er konfliktfylt.
– Me kjem aldri til å godta at Blåfall AS og Vassendelva kraftverk får regulera Vassendevatn, seier Jan Egil Haugen på Svåsand.
Haugen hevdar at korkje han eller dei to andre grunneigarane frå Svåsand er spurde om korleis dei stiller seg til søknaden om å nytta Vassendevatn som magasin for eit kraftverk nede i Krossdalen.
– Dei tre bruka på Svåsand eig tre firedelar av ein tredel av vatnet. Me er sterkt mot regulering, seier han.
Noregs vassdrags- og energidirektorat (NVE) har ikkje gjort seg opp meiningar om søknadene frå sju prosjekt langs Krossdalen og i Herand. Konsesjonssøknadene vert sende på høyring med det fyrste. Uttalefristen er 17. juli. Konsesjonshandsaminga er truleg ferdig neste vår, opplyste Auen Korbøl i NVEs konsesjonsavdeling då jondølingar, kvinnheringar og sørfjører tysdag samlast til folkemøte i Sundal i Mauranger.
Les meir i HF i dag.
HF har i dag kome i skade for å kalla dagleg leiar og eigar av suvenirbutikken Fossatun for Kjell Fjellhaug. Det heiter han ikkje. Det rette er Bjarte Fjellhaug. HF bed om orsaking for namneglippen.
Fotografering kan løna seg
Frå feiringa av 17. mai i Øystese i dag.
Foto: Sigbjørn Linga
HF vil også i år dekkja 17. mai etter beste evne, men kan av reint fysiske årsaker ikkje vera overalt og få med seg kvar minste pinneis som vert eten i alle bygdene. Me oppmodar difor lesarane våre om å senda inn bilete frå nasjonaldagen. Ein av dei som sender oss bilete, vil verta trekt ut til å motta fem Flax-lodd i posten. Send helst i digitalt format til adressa redaksjon@hf.no Det er også tillate å koma innom redaksjonen måndag føremiddag dersom du har vanskar med å få bileta av garde.
Vann toppkamp på heimebane
Øystese slo torsdag Stord på heimebane i 3. divisjon. Kvemmingane leier serien.
Les meir i HF tysdag.
Lars Eirik Berge vart avgjerande då Norheimsund slo Minde 3–2 på heimebane i 5. divisjon onsdag kveld. Han skåra 3–2-målet. Edvard Tvedt og Magnus Røberg gav heimelaget tomålsleiing, men Minde reduserte før og utlikna etter pause. Sigersmålet kom eit kvarter før slutt, ifølgje norheimsundfk.no.
I ei lysing i HF tysdag vart det opplyst at kampen mellom Norheimsund og Minde vert spela torsdag kveld klokka 19. Det korrekte er at kampen i 5. divisjon vert spela i kveld, onsdag, klokka 19.
I ei anna lysing er det opplyst at kampen mellom Øystese og Stord vert spela laurdag klokka 16. Det er feil. Kampen vert spela torsdag 16. mai klokka 18.
Leiar i samferdsleutvalet i Hordaland, Gustav Bahus (Frp), studerer turistvegprosjektet ved Steinsdalsfossen.
Foto: Sigbjørn Linga
Tysdag vitja samferdsleutvalet i Hordaland Kvam. Frå bussetet fekk medlemene med eigne augo sjå både utførde, noverande og planlagde vegprosjekt.
Les meir i HF tysdag.
HF opplyste i førre utgåve at ein del av steinen til strandvegen i Norheimsund vert henta i Kvernuri på Sollesnes. Det korrekte er at steinen kjem frå Sollesnes skiferbrudd AS sitt steinbrot i Helleuri. HF bed om orsaking for samanblandinga.
Vurderer stamveg gjennom Kvam
Statens vegvesen meiner Norheimsund kan verta knutepunkt mellom fleire aust–vest-samband.
Kart: Statens vegvesen
For om lag 30 milliardar kroner kan europaveg 16 mellom Arna og Voss leggjast om Kvam, opplyser prosjektleiar Kjell Kvåle i Statens vegvesen. Vegalternativet er eitt av fleire som skal gjennom ei såkalla konseptvalutgreiing før Samferdsledepartementet går vidare med saka. Ein vegtrasé gjennom Kvam vil vera dominert av lange tunnelar mellom Norheimsund og Kvamskogen og mellom Norheimsund, Botnen og Voss.
Les meir i HF tysdag.
Onsdag i førre veke vart den fyrste turen i Kvam herads Trakk og snakk-prosjekt arrangert. Trass dårleg vêr, følgde nærare tretti personar ordførar Asbjørn Tolo og rådmann Arild McClellan Steine på turen frå Kjepsohøgda til Kjepso gard i Ålvik.
På toppen tok vertskapen mot turfølgjet med kaffi og bollar.
Les meir i dagens HF.
Ordførar Asbjørn Tolo fekk i oppgåve å hengja opp eitt av turskilta som Kvam næringsråds reiselivsgruppe er i ferd med å plassera rundt om kring i Kvam.
Foto: Camilla Kvamme
Gull og bronse til Strandebarm IL
Bjørnar Sandnes Lillefosse frå Strandebarm sprang laurdag den 11. etappen i Holmenkollstafetten for IL Gular. Laget vann klassen for menn. Gularkvinnene vart nummer tre. Frida Berge, Strandebarm idrettslag, sprang 4. etappe.
Gular er Strandebarms samarbeidsklubb.
Klokka 8.37 sundag melde Norled at MF Etne, som trafikkerer strekkja Tørvikbygd–Jondal, er ute av drift. Ifølgje fjerjemannskapet skuldast stoggen feil i det elektriske anlegget.
Ferja skal etter planen koma i drift att utpå dagen.
Øystese er serieleiar i 3. divisjon etter fem kampar. Torsdag slo laget Os 4–2 i Øystese. Laurdag møter Øystese tabelljumbo Vaulen på bortebane. Motstandaren har fire poeng etter fem kampar, medan Øystese har tolv poeng. Tonny Tysnes, Espen Brown, Alexander Høvik og Anders Næs skåra for Øystese mot Os, ifølgje oystesefotball.no.
25 kunstnarar frå Vestlandet
I morgon opnar Vestlandsutstillinga i Kabuso i Øystese. 25 kunstnarar frå heile Vestlandet deltek i utstillinga, som vert ståande i Kabuso til 2. juni. Den mest lokale kunstnaren er Lars Korff Lofthus frå Ullensvang. Han bidreg med verket Sommarkalendar (eg er åleine).
I samband med utstillingsopninga vert det konsert med Hanne Hukkelberg i Kabuso i morgon.
Les meir i dagens HF.
Då HF vitja Kabuso onsdag, var dei tilsette i ferd med å gjera klar årets vestlandsutstilling. Her er Ann Charlotte Ellingsen med Lars Korff Lofthus sitt bilete.
Foto: Camilla Kvamme
Vart pålagt å stogga delar av drifta
Konklusjonen frå synfaringa til Kvam herad 28. februar er at "pallen" oppå dagens steinbrot ligg tjue–tretti meter utanfor råstoffområdet i kommuneplanen, medan tiltaka søraust for Haukeli ligg sytti–hundre meter utanfor råstoffområdet.
Foto: Camilla Kvamme
I mars vart GBS entreprenør AS pålagt å stogga delar av arbeidet i steinbrotet i Haukeli i Øystese straks. Årsaka er at verksemda har arbeidd utanfor området som er sett av til råstoffutvinning i kommuneplanen.
Les meir i dagens HF.
Liv Jorunn Solstad (t.h.) hjelpte fleire av damene med kva fargar dei bør bruka. Her er det Berit Øye Brinko som tips til kvar på fargeskalaen ho bør liggja.
Foto: Camilla Kvamme
For nokre veker sidan fekk vel sytti damer frå Oma, Strandebarm og Innstranda tips frå stylist Liv Jorunn Solstad til korleis ein kan verta "ny".
Les korleis det gjekk i dagens HF.
Skriv om grafikar frå Aksnes
Reidar Storaas har gjeve ut fleire bøker om kunstnarar frå Vikøy-krinsen.
Foto: Åsmund Soldal
Biletkunstnar Inggard Rosseland frå Aksnes er ikkje ukjend, men han burde vore mykje betre kjend, meiner forfattar Reidar Storaas.
Laurdag presenterer han den ferske biografien Inggard Rosseland – grafikaren samstundes med at Galleri puls i Norheimsund opnar ei utstilling med bilete av Rosseland.
Les meir i HF fredag.
Ingen kom til skade då den rusa føraren trefte rabatten.
Foto: Åsmund Soldal
Ei kvinne frå Kvam vart onsdag teken for promillekøyring i Norheimsund. Dama køyrde tvers over rabatten i krysset ved Straumbrua og feia ned eit par skilt. Det skjedde midt på blanke dagen. Bilføraren hadde ikkje førarkort.
Augevitne seier at ho ikkje sakka på farten. Ferda enda i nærleiken av Norheimsund skule, opplyser lensmann Terje Kvalvik i Kvam og Samnanger lansmannsdistrikt.
Diverre vart to oppføringar i aktivitetskalenderen til HF utelatne i papiravisa tysdag. Herand danselag arrangerer sundagsdans i Herand grannehus 12. mai klokka 18.30–21. Same dag vert det bygdelagskafé i den gamle skulen klokka 15. Det vil verta vist film frå 17. mai-feiringa i Herand på 1970-talet. Danselaget er arrangør.
Til topps i volleyball-NM
U19-laget til Rossvoll slo erkerival Førde i finalen.
Foto: Helena Aasprang
Rossvoll volleyballklubb vart i helga noregsmeister i klasse U19. Laget slo Førde 2–0 i meisterskapsfinalen i Tromsø. Laget har tre år på rad tapa NM-finalen.
Les meir i HF tysdag
Marion S. Aasheim og hesten Lykkesølli fullførde løypa i klasse 3 0,60 meter utan feil.
Foto: Øystese ride- og køyreklubb
25. april arrangerte Øystese ride- og køyreklubb 2. runde i vintercupen i sprangriding. Totalt 25 hesteinteresserte ryttarar deltok på stemnet på Børve gard i Øystese. 20. mai finn neste stemne i vintercupen stad. Også det på Børve gard.
Les meir om korleis det gjekk med ryttarane i dagens HF.
Drøfta villfisk og oppdrett i Kabuso
Geir Helge Johnsen i Rådgivende biologer AS var ein av dei som kom med omdiskuterte utspel på seminaret i Øystese.
Foto: Sigbjørn Linga
Nokre færre deltok på Hardangerfjordseminaret i år enn i fjor. Oppdrettsnæringa og politikarane i Hardanger var knapt representerte. Det er synd, meiner arrangøren.
Les meir i HF i dag.
Kombinerer trim og meiningsutveksling
Foto: Sigbjørn Linga
Har du noko på hjarta som ordførar Asbjørn Tolo (t.v.) eller rådmann Arild McClellan Steine burde høyra? Onsdag får du sjansen til å seia di hjartans meining til toppleiarane. Då vert fyrste utgåve av nyvinninga Trakk og snakk arrangert i Ålvik.
Les meir i HF i dag.
Skaut på båe sider av fjorden
Foto: Sigbjørn Linga
Arne Berge og Trine Flotve (biletet) var mellom deltakarane på dei tradisjonelle 1. mai-stemna i Jondal og Tørvikbygd i helga. Berge vann det eine stemnet.
Les meir i HF i dag.
Foto: Sigbjørn Linga
Snøen lavar ned i morgontimane i Kvam. Arve Øyri (biletet) i Mo sport AS måtte ut og moka før butikken opna. Kollega Geir Mo trugar med å setja fram skia og opna vintersesongen.
Politoverbetjent Andor Helgheim hadde i føremiddag ikkje fått melding om lokale trafikkulukker i Kvam. Han oppmodar folk om å tenkja seg godt om, for underlaget er såkalla nullføre. Også vegtrafikksentralen rår folk med sommardekkskodde bilar til å lata bilen stå.
Øystese tok leiinga, men rauk ut med god margin
Sebastian Skåre Tune tek mot hyllesten etter å ha skåra kampens fyrste mål. Adam var ikkje lenge i paradis.
Foto: Sigbjørn Linga
Sebastian Skåre Tune gav Øystese leiinga etter kort tid av cupkampen mot Brann i kveld, men Brann utlikna raskt og vann til sist 6–1. Bård Finne skåra to, Martin Pusic tre og Erik Huseklepp eitt mål for bergensklubben.
Les meir i HF fredag.
Det har kome så mykje snø i heistraseen at skisenteret må utsetja opninga.
Arkvifoto: Privat
Den siste tida har det falle to meter nysnø ved sommarsksienteret på Folgefonna. Det gjer at Fonna glacier ski resort ikkje kan opna 1. mai, som planlagt.
Ifølgje heimesida til sentert er det mellom anna naudsynt å brøyta snø vekk frå trekket før det kan setjast i drift. Opningsdagen vert fredag 3. mai.
Når Brann møter Øystese i Øystese i andre runde i noregscupen i morgon, stiller laget med følgjande tropp: Jørgen Mohus, Birkir Már Sævarsson, Vasiliy Pavlov, Øystein Øvretveit, Stéphane Badji, Kristoffer Larsen, Zsolt Korcsmár, Amin Askar, Erik Huseklepp, Henrik Gjesdal, Erdin Demir, Bård Finne, Kristoffer Barmen, Jonas Grønner, Tomasz Sokolowski, Andreas Vindheim og Steffen Lie Skålevik.
Dei to sistnemnde er ikkje ein del av a-stallen til bergensarane. Skålevik debuterer på a-laget dersom han kjem på banen i Øystese.
Branntrenar Rune Skarsfjord utelèt Piotr Leciejewski, Hassan El Fakiri, Fredrik Haugen og Fredrik Nordkvelle frå troppen. Markus Jonsson, Simen Wangberg og Kasper Skaanes er uaktuelle på grunn av skadar.
– Brann gjekk vidare frå 1. runde i cupen etter ein morosam siger 14–0 mot Hovding. Det ventar tøffare motstand på Øystese idrettsplass, heiter det på brann.no.
Poenga renn inn i Øystese
Foto: Camilla Kvamme
Øystese spela ikkje til den store gullmedaljen, men fekk ein resultatmessig god generalprøve før cupkampen mot Brann onsdag. Laurdag slo laget Kopervik på heimebane. Det var den tredje av tre mogelege sigrar i serien i år.
Les meir i HF i dag.
Stinn Vamp-brakke i Øystese
Foto: Camilla Kvamme
Vamp trekte så mange lyttarar at det vart svært trongt om plassen på konserten på hotellet i Øystese fredag.
Les meir i HF i dag.
Droppa det kristne alternativet
Foto: Camilla Kvamme
Embla Forthun Guntveit (biletet) sytte for musikk til den borgarlege konfirmasjonen i Kabuso laurdag.
Du kan lesa eit intervju med nokre av konfirmantane i papirutgåva av HF i dag.
E16-stenging meir enn dobla trafikken i Kvam
Tal frå Kvam bompengeselskap AS viser at stenginga av E16 mellom Bergen og Voss har medført at trafikken ved bomstasjonane i Kvam totalt sett har vorte nesten 2,5 gonger større.
I perioden laurdag 6. april–tysdag 16. april passerte i alt 24.157 køyretøy stasjonane i Steinsdalen og på Kjepso. I ein like lang periode etter at E16 vart stengd, frå torsdag 18. april til sundag 28. april, passerte 59.755 bilar bomstasjonane. Vel å merka omfattar ikkje dei to tidsromma akkurat dei same vekedagane, men båe inneheld to helgar.
Held fram rekrutteringsarbeidet
Då fristen for å søkja studieplass ved Hardanger kunstskule gjekk ut 15. april, hadde sju personar meldt si interesse. Innan skulestart 26. august håpar rektor Anneli Belsvik Aras å rekruttera minst tre elevar til. – Den økonomiske situasjonen ville vore meir komfortabel med ti–tolv nye elevar. Me ville hatt større spelerom i undervisinga, seier Aras.
Trass låge søkjartal, ser rektoren lysare på kunstskulesituasjonen i dag enn for fire månader sidan. – Samanlikna med i vinter har me mykje betre tid på oss til å rekruttera fleire elevar, seier ho.
Les meir i HF i morgon.
Rektor ved Hardanger kunstskule Anneli Belsvik Aras håpar på ti-tolv nye elevar til skulestart i august. Førebels har sju personar søkt om plass ved skulen.
Foto: Camilla Kvamme
Frå laurdag tek Camilla Grimsby, Sigrid Helle Hansen og dottera Ylva (4) mot gjester i Hardanger kulturgalleri i Mælen i Herand.
Foto: Camilla Kvamme
Laurdag er det sesongopning i Hardanger kulturgalleri i Mælen. På scena står Gabriel Fliflet og Ole Hamre. I kulissane regjerer dagleg leiar Sigrid Helle Hansen og den nye hjelparen hennar, Camilla Grimsby. – Camilla besøkte meg i Mælen i fjor. Ho vart heilt bergteken, fortel Hansen om veninna som inntil nyleg arbeidde ved den norske sjømannskyrkja i New York. – Eg skulle eigentleg ha vore lenger i New York, men klara ikkje å seia nei til Hardanger, fortel Grimsby.
Les meir i HF i morgon.
Vegsituasjon vert statsrådmat
Stortingsrepresentant Arne Sortevik (Frp) vil vita kva Samferdsledepartementet gjer for å unngå køar på fylkesveg 7 i Hardanger medan europaveg 16 er mellombels stengd. Han har sendt samferdsleminister Marit Arnstad (Sp) eit spørsmål om vegsituasjonen.
– Omkøyringsveg er fylkesveg 7. Vegen har mange stader dårleg kapasitet. Korleis følgjer departementet opp? spør Sortevik.
Han vil også vita kor mange ras det har vore på strekkja Bergen–Voss dei siste ti åra, og kor mange av rasa som har medført personskade og vegstenging. Sortevik vil dessutan vita kvifor E16 ikkje har fått rassikringsstønad i handlingsplanperioden i det ferske framlegget til Nasjonal transportplan for perioden 2014–2023.
Nektar å godta nedlegging
Foto: Sigbjørn Linga
Harald Kjosås (KrF) meiner han ikkje har røysta for å leggja ned biblioteket i Øystese, men vedgår samstundes at han var med på å støtta eit for stort kutt i bibliotektenesta. Han meiner rådmannen må vera kreativ og leita etter gode alternativ til nedlegging. Rådmannen har lova å vurdera det i eit nytt notat.
Les meir i HF i dag.
Elisabeth Fosse har drive Frisørståvo i Strandebarm i vel tre år. No satsar frisøren på ny salong i Grova. Frikar & Frøken opnar 2. mai, og vert dermed den sjuande frisørsalongen i Norheimsund.
– Eg har eit stort konkurranseinstinkt, seier strandbermingen og smilar.
Les meir i dagens HF.
2. mai opnar Elisabeth Fosse den nye frisørsalongen sin i Grova. Ho kjem framleis til å ha ope i Strandebarm måndagar.
Foto: Camilla Kvamme
Jondalstunnelen vart offisiell
Jondalstunnelen og Folgefonntunnelen vart måndag offisiell omkøyringsrute for aust–vest-trafikken. Statens vegvesens informasjonsskilt på Vasstun i Odda opplyser no at fylkesveg 107 via Jondal er ei alternativ rute til Bergen frå aust. Prosjektleiar Ingebjørg Midthun i Statens vegvesen seier til HF at ruta ikkje er skilta for austgåande trafikk fordi det ikkje er plass på lystavla på Trengereid.
Ifølgje Hardanger folkeblad endra Statens vegvesen teksten på informasjonsskiltet etter at avisa hadde påpeika at alternativet mangla.
Midthun opplyser at det enno er uvisst når europaveg 16 opnar.
E16 opnar ikkje denne veka
Trailerane vert samla opp og sleppte fram i puljar på strekkja Øystese–Fykse.
Foto: Camilla Kvamme
Byggjeleiar Kåre Olav Aldal i Statens vegvesen opplyser at europaveg 16 kjem til å vera stengd ved Stanghelle heile denne veka. Dermed må kvemmingane og jondølingane førebu seg på at den uvanleg store trafikken held fram nokre døger til.
Aldal seier at Statens vegvesen og mannskap frå Kvam og Samnanger lensmannsdistrikt skal kontrollera høgda på køyretøya som nyttar fylkesveg 7. Maksimalhøgda i tunnelane er fire meter.
Trailer stoppa trafikken i Tokagjel
Ein trailer vart ståande på tvers i ein av tunnelane i Tokagjel i Kvam laurdag morgon. Det tok fleire timar før det eine feltet vart opna for trafikk att. Det lak diesel frå traileren, men brannmannskap tok seg av drivstoffet.
Motorsykkelulukke i Norheimsund
Motorsykkelen mista det eine hjulet i samanstøyten.
Foto: Sigbjørn Linga
Ein bil og ein motorsykkel kolliderte i kveld på fylkesveg 7 nær Europris-butikken i Norheimsund. Éin skadd mann vart frakta bort i luftambulanse godt over ein halvtime etter at ulukke var meld klokka 19.07.
Ulukka medførde at trafikken raskt hopa seg opp i retning både Norheimsund sentrum og Steinsdalen, men etter kvart tok brannmannskap til å dirigera trafikken til vegen som går forbi bustadfelta på Sandven og Sæland.
Gangveg ved tunnel stengd
Foto: Ivar Tveiten
Eit ras sperrar gangvegen på utsida av Vangdalsbergtunnelen, fortel syklist Ivar Tveiten. Han fortel at det byrja rasa alt onsdag, men at det har kome meir seinare. I dag var vegen stengd, fortel Tveiten. Både steinar, jord og tre har ramla ned på vegen.
Vangdalsbergtunnelen er i utgangspunktet ikkje lovleg å nytta for mjuke trafikantar. Statens vegvesen har den siste tida rådd førarar av tunge køyretøy til å køyra strekkja Norheimsund-Tørvikbygd-Jondal-Odda-Haukeli for å unngå å bruka fylkesveg 7 medan europaveg 16 er stengd.
Øystese fekk draumen oppfylt
Øystese møter Brann i 2. runde av cupen 1. mai. Kampen vert spela i Øystese. Fotballforbundet offentleggjorde kampoppsettet i ettermiddag.
Europaveg 16 stengd i helga
Europaveg 16 mellom Voss og Bergen vert stengd også i helga på grunn av rasfare. Dermed må kvemmingane innstilla seg på stor trafikk på fylkesveg 7, som er omkøyringsveg. Det opplyser Statens vegvesen i ei pressemelding.
Byggjeleiar Kåre Olav Aldal i vegvesenet seier til HF at trailerar med ei høgd på over 4,0 meter ikkje kan køyra lovleg i Tokagjel i Kvam. Han innser likevel at mange truleg kjem til å gjera det, og at sjåførane kjem til å "køyra sentrisk", som tyder at dei legg seg midt i vegen for å unngå å ta oppi taket i tunnelane.
Aldal seier vegvesenet har drøfta kva risiko det kan medføra når trafikken er så stor som i dag. For å redusera risikoen for ulukker, har vegvesenet sett opp varselskilt og mellombels sett ned fartsgrensa på vegen i Tokagjel ned til 50 kilometer i timen.
Aldal reknar med stor personbiltrafikk som følgje av både ordinær helgeutfart og trafikk til Skarverennet i dag.
Måtte stengja bru ved turistattraksjon
Foto: Katrine Helgheim
"Fossabruene" ved Steinsdalsfossen er stengde fordi dei store vass- og ismengdene har medført fare for utrasing. Brua har fått skadar.
Les meir i HF i dag.
Helikopterstøy vert politisak
Arkivfoto: Sigbjørn Linga
Hardangeraksjonen har meldt Statnett SF til politiet for brot på lova om heilagdagsfred. Selskapet vedgår eit kortvarig lovbrot i Kvam skjærtorsdag.
Les meir i HF i dag.
Renate Børven Mikkelsen (t.v.), Bennetta Kamara, Birgit Bakke Dysterud, Julia Børven, Maria Børven; Elisabeth Eikelid Gjuvsland, Nora Mo-Bjørkelund, Johanna Mo og Astri Øyri er klare til cupspel på Ål.
Foto: Åsmund Soldal
Jentelaget for 15-åringar i Kvam handballklubb vann si avdeling i serien. Laget, som har gått frå siger til siger i vinter, slutta seriespelet med å slå Sotra 33–20. Jentene måtte likevel avfinna seg med tap i fylkesfinalen mot Tertnes 2.
Les meir i HF fredag.
Onsdag kveld stod ein bilkø bom stille i fleire timar på strekkja mellom Øystese sentrum og Rykkje etter at ein trailer hadde køyrt i grøfta. Ein ambulanse måtte snu og køyra til Bergen.
Torsdag var også prega av køar og stor trafikk. Ifølgje vegvesenets trafikksentral er europaveg 16 stengd på grunn av ras ved Stanghelle i Vaksdal. Det er uvisst når vegen opnar. Trafikken vert i mellomtida dirigert via fylkesveg 7 gjennom Kvam.
– Det er så mykje tungtrafikk på vegen at det nærmar seg kaos. Vegvesenet ikkje har skilta godt nok på Austlandet, seier Geir Ove Neteland i Suldal transport AS i Norheimsund.
Han meiner sambandet austover gjennom Jondalstunnelen er altfor dårleg utnytta.
Les meir i HF fredag.
Inviterer pensjonistar til Kabuso
I morgon vert pensjonistar i Kvam inviterte til gratis omvising i utstillinga Grøne sjøar og blått blod i Kabuso i Øystese. Tina Kjerland skal fortelja om utsillinga, som er inspirert av Folgefonna, og som inneheld alt frå lydinstallasjonar, skulpturar, teikningar, foto, video og tekstar.
Dei som ynskjer vil også få høve til å vitja Ingebrigt Vik-museet og sjå filmen om den populære skulptøren frå Øystese. Etter omvisinga inviterer Kabuso til sosialt samvere i kafeen.
– Målet er å skipa til ein slik dag i samband med kvar hovudutstilling. Me vonar pensjonistar som er interesserte i og nyfikne på kunst, vil ta turen, skriv kunsthuset i ei pressemelding.
Arrangementet er eit samarbeid mellom Kabuso, Den kulturelle spaserstokken og Kvam herad.
Lange køar i Øystese i kveld
Fylkesveg 7 er i kveld omkøyringsveg for bilistar som elles ville køyrt E16 mellom Voss og Bergen. Men også fylkesveg 7 var i kveld stengd på Stronda i Øystese på grunn av bilberging. Ein semitrailer hadde køyrt seg fast, ifølgje Hordaland politidistrikt. Det danna seg lange køar på båe sider. Som om ikkje det var nok, var den alternative vegen frå Øystese til Fyksesund, fylkesveg 131, stengd på grunn av rasfare.
Fylkesveg 7 opna att om lag klokka 22.10.
Cupjubel på overtid i Øystese
Foto: Sigbjørn Linga
Takk vera eit overtidsmål gjekk Øystese vidare i cupen torsdag kveld. Laget slo Arna-Bjørnar 3–2 på heimebane.
Øystese leidde 2–0 etter 1. omgang, men sleppte gjestene inn i kampen att etter pausen. Det såg ut til å gå mot uavgjort, men på overtid fekk vertane frispark på venstrekanten. Heimelaget la ballen inn i feltet og forbi alle, og målvakta glapp i dobbel forstand etter at ballen spratt på det sleipe underlaget. Dermed er Øystese klar for 2. runde.
Arna-Bjørnar rauk i fjor ut i 2. runde i cupen. Laget tapa 0–1 for Hødd, som seinare vart noregsmeister.
Laurdag spelar Øystese bortekamp mot Randaberg i 3. divisjon. Laget frå Kvam opna sesongen med klar siger mot Vardeneset.
Les meir i HF fredag.
Ikkje kutt i lakseproduksjon
Mengda av oppdrettslaks i Hardangerfjorden vert ikkje redusert, slik Fiskeri- og kystdepartementet føreslo i februar. Det vert nemleg ikkje noko av den varsla hardangerfjordforskrifta, som tok sikte på å redusera produksjonen.
– Me har lagt stor vekt på høyringsfråsegnene frå fagetatar, kommunar
og fylkeskommunar, seier fiskeri- og kystminister Lisbeth Berg-Hansen i ei pressemelding.
Departementet står fast på dei innførde restriksjonane mot nye løyve og lokalitetar. Hardanger vert prioritert når departementet innfører ein ny modell for lakselusforvalting og tiltak mot rømming, seier fiskeri- og kystministeren.
|
Er det eit gode med større trafikk i Kvam?
|