Brann i gryte i bufellesskap

Tysdag rykte brannvesenet ut til Rabben bufellesskap i Øystese etter ein automatisk brannalarm.

Atle Barane i Kvam brann- og retningsteneste fortel at brannen oppstod i samband med smelting av smør. Gryta hadde vorte gløymd i ein augneblink og teke fyr. Brannen nådde opp i ventilatoren over komfyren.

Dei tilsette på staden gjorde som dei skulle og sløkte brannen med brannteppe, fortel Barane.

Ingen personar tok skade av hendinga, fortel ein sjukepleiar på staden.

Leilegheita vart lufta ut, men ein kan ikkje nytta henne inntil vidare, seier Barane.