Publisert 09. januar 2019 kl. 10.08. Oppdatert 09. januar 2019 kl. 15.56.

Steinstø: Vegen er open att


Etter ei ny vurdering er det fritt fram for trafikantane på fylkesveg 7 att.

Klokka 15 vurderte Statens vegvesen vegopning på nytt, etter å ha granska området nærare og reinska fjellsida, opplyser byggjeleiar Bente Bergstø i vegvesenet. Konklusjonen var at det var trygt å rydda og opna vegen att, melder Vegtrafikksentralen på Twitter.
Vegvesenet sende tidlegare i dag eit klatrelag i bil til Bjørke. Laget klatra nedover for å granska leia der steinblokka fall.

Driftsleiar Kjartan Ringheim i entreprenør Presis vegdrift AS vegvesen reknar med at steinblokka som fall, er kring ni hundre kilo tung. Ho har truleg vorte bremsa av vegetasjonen på ferda ned mot vegen. Blokka har treft vegen to gonger før ho slo seg til ro.