Publisert 03. desember 2018 kl. 11.58.

Slepper Breidablik-bok

Onsdag vert boka Breidablik – eit fjelleventyr lansert på eit bokslepp i Holmatun. Her er dokumentasjon, skråblikk, skildringar og portrett samla i ei høveleg samling, ifølge ei pressemelding frå forfattarane.

Boka på 336 sider er skriven av Lars Arvid Oma og Inger Dysvik frå Øystese. Utgjevinga skildrar historia til staden frå starten i 1968 til hausten 2018, og ho byr på historier om hardt arbeid, naturopplevingar, fridomen i høgfjellet, møte mellom fjellfolk, Breidablik-vener og gjestfridomen og fjellgleda til Bjarne og Anne Marit Huse.

Forfattarane har mellom anna nytta hyttebøkene frå Breidablik som kjelder, der Huse sjølv har skildra livet i fjellet gjennom 50 år.

Oma er tidlegare journalist og arbeider no på Hardanger fartøyvernsenter og Framnes kristne vidaregåande skule.

Dysvik er sosionom med vidareutdanning i musikk og helse, og arbeider på Kvam kulturskule.

Boka er forma ut av Glynt AS og vert gitt ut av forlaget Skrivarnuten AS.