Publisert 26. november 2018 kl. 15.19.

Fekk pris på bursdag

Kvemming Sigmund Vestrheim (bak til venstre på biletet) fekk ei ekstra gåve på 20-årsdagen. Han spelar trommer i bandet til artisten Nicolas Rivera Pablo Muñoz, også kjend som Boy Pablo, og på laurdag stakk bandet av med prisen til beste nykomar i prisutdelinga P3 Gull. Boy Pablo var nominert saman med Halie, Myra, Virkelig, Ruben.

P3 Gull er et musikkshow og ei prisutdeling i regi av NRK P3. P3 Gull vart i år arrangert for sjette gong. Dei siste par åra har prisutdelinga funne stad på Tjuvholmen i Skur 13. Programmet vart sendt direkte på NRK 1.

Det vert delt ut prisar i fire kategoriar: årets nykomar, årets liveartist, årets låt og P3-prisen. Ina Wroldsen fekk P3-prisen, årets låt vart Strangers av Sigrid, og Cezinado vart kåra til årets liveartist.

Boy Pablo er for tida på turné i Asia, og kunne difor ikkje ta imot prisen. I staden sende bandet ei videohelsing frå andre sida av verda.