Ivrige i ostetenesta

Trass i at Tine meieriet Hardanger i Øystese vert lagt ned til våren, produserer dei tilsette kremost som aldri før, skriv Tine SA i ein e-post til HF.

I september og oktober vart det produsert nesten to millionar einingar ved anlegget. Det er 520.000 fleire enn produksjonsbudsjettet for perioden, og 400.000 fleire enn prognosane frå august.

Tidlegare produserte meieriet 14 til 15 paller kremost 5 dagar i veka. No produserer det 10 til 12 paller ekstra 2 til 3 dagar i veka. Produksjonen er i gong frå klokka 04.30 om morgonen til klokka 22.00 om kvelden. På det siste skiftet er det så få personar at arbeidarane ikkje kan ta vanlege matpausar, ifølgje Tine.