– Ei viktig samling

Laurdag 3. november var me på opning av ny utstilling i Kabuso. Her fekk me presentert ei samling akvarellar av botanikar og plantemålar Torkel Lillefosse, ei samling lav og mose frå Johan Havaas frå Granvin og ein fasinerande vegg av noregsglas sett saman av Ine Harrang.

Hordaland Folkeblad kom med referat frå utstillinga tysdag 6. november, og i dette referatet er Johan Havaas, som representerer ein stor del av utstillinga, berre nemnd i ei setning på slutten av referatet. Rett nok er ikkje lav og mos det som er mest iaugefallande ute i naturen, men dette er ei viktig samling, og både samlinga og botanikaren frå Granvin imponerte oss. Me synest difor HF burde spandert noko meir spalteplass på denne delen av utstillinga.

Halldis Vangdal

Ella Tveit