Ynskjer rigg på Trå

GBS entreprenør AS har søkt Jondal kommune om løyve til å setja opp ein mellombels brakkerigg i samband med bygginga av Herand kraftverk. Utbyggjar Obos energi har avtale med grunneigar Sigurd Johannes Trå om å nytta eit riggområde på gard nummer 6/2 på Trå. Truleg skal åtte brakker og to–fire lagerkonteinarar setjast opp.

Ifølgje søknaden skal anleggsarbeidet vara i om lag to år. Vona er å setja i gang 1. november.