Trugar med bilete
Politiet har fått fleire telefonar frå personar som har fått e-post med melding om at avsendaren har kompromitterande bilete av mottakaren. Dei som har fått e-posten, vert truga med at bileta vert publiserte om ikkje ein pengesum vert betala. Det fortel politioverbetjent Andor Helgheim i Kvam, Fusa og Tysnes lensmannsområde. Han oppmodar folk om å ignorera meldingane, ikkje betala noko og ikkje trykkja på koplingar i e-postane. Helgheim seier mellom andre eit knippe eldre personar har teke kontakt.
