Publisert 07. september 2018 kl. 00.01.

Stoppa pirat i Steinsdalen

Onsdag føremiddag fekk politiet tips om ein personbilsjåfør som truleg dreiv med pirattaxikøyring. Politiet rykte ut og stansa ein personbil med åtte sete ved Steinsdalfossen.

I bilen sat ein utanlandsk sjåfør og fire amerikanske turistar. Sjåføren hadde ikkje løyve til å driva med persontransport, og vart meld av politiet for brot av yrkestransportlova, fortel politiførstebetjent Ann May Garen ved Kvam, Samnanger, Fusa og Tysnes lensmannsområde.

Politiet mistenkjer ei organisert form for pirattaxiverksemd. Garen seier det er greitt å slå ned på slik verksemd, som øydelegg for taxinæringa og andre som driv med persontransport.