Publisert 01. september 2018 kl. 22.22. Oppdatert 01. september 2018 kl. 22.36.

Øystese med ny viktig siger


Øystese-herrane slo Viking 2 på bortebane og tok eit nytt steg mot framhald i 3. divisjon.
Kvemmingane slo Viking 2 med 3–2 på bortebane laurdag. Dermed kom fotballaget over nedrykksstreken for fyrste gong på lenge.
Viking 2 er eitt av topplaga. Etter tapet ligg rogalendingane på 3.-plass med 36 poeng. Fyllingsdalen tapa 0–1 for tabelljumbo Varegg i dag, og ligg på 2.-plass med 38 poeng. Sotra er serielair med 43 poeng. Sotra slo Sogndal 2 med heile 7–1 i Sogndal i dag.
Nettopp Sogndal 2 er den neste motstandaren til Øystese komande laurdag. Øystese har 20 poeng, like mange som Tertnes, som ligg under streken, men har éin kamp til gode. Tertnes møter Brann 2 måndag.
Øystese hadde ein tynn tropp utan "ekte" spissar, og måtte hanka inn Runar H. Kvåle og Per Erik Kvåle til benken for å ha litt å gå på. Spiss Fabian Bødtker har meldt overgang til Os, melder klubben.