Ingunn Undrum etterlyser alternativ plassering av ziplina. Her er ho med ei anna line på Hardanger fartøyvernsenter. Arkivfoto: Bård Valvatne

– Zipline treng betre utgreiing

Grundig utgreiing og avklaring er naudsynt før planane om å byggja zipline frå Sæleset til Mo vert tekne inn i den nye arealplanen til Kvam herad. Det skriv Geir Madsen, Signe Holst Larsen, Margith Skurtveit, Aud Bækkelund og Ingunn Undrum, som alle kan verta naboar til den nye lina, i eit innspel til kommuneplanframlegget i Kvam. Brevskrivarane meiner ein bør vurdera å plassera lina andre stader, til dømes i Tokagjelet.