Publisert 07. august 2018 kl. 20.43. Oppdatert 08. august 2018 kl. 09.48.

Lothe vann i Stjørdal


Jondalsskyttar Nils Lothe var best i klasse veteran 73 på Landsskyttarstemnet ii dag.

Nesten heilt perfekt

Med 100 poeng og ni innertiarar i finalen trona Lothe åleine på toppen med 350 poeng totalt.
Bak han var seks andre som hadde 350 poeng, mellom dei Johannes Skaar Bakke frå Hardanger skyttarlag Han hamna på 6.-plass.
Lothe sa til web-tv-sendinga til arrangørane etter sigeren at han har slite med ei forkjøling dei siste dagane, og at han difor ikkje hadde venta den heilt store suksessen.

Ikkje heilt der oppe

Liv Sollesnes frå Jondal fekk 244 poeng i klasse 5 i dag, og er med det truleg sjanselaus i kampen om årets prinsessetittel. Leiaren på skive 1 i kongelaget har 248 poeng. Sollesnes tapa poenga jamt med 48 på ståande, 49 i kneståande og 97 på 10-skotsserien.
Arne Berge frå Hardanger fekk ein niar i finalen i klasse veteran 65 og hamna på 18.-plass med 349 poeng. Sverre Krutnes frå Jondal hamna på 25.-plass med 348 poeng.