Såg dame i tunnel
Liv stod i fare, meinte ein person som kontakta Hardanger lensmannsdistrikt fredag. Ei dame vandra rundt i Jonatunnelen og oppførte seg på ein måte som gjorde at det var stor fare for at ho kom til å verta påkøyrd.
Politioverbetjent Øystein Torsnes i Hardanger lensmannsdistrikt fortel at politiet var opptekne med andre oppdrag og hadde ikkje høve til å rykkja ut. Dei fekk heller ikkje nye meldingar om dama i tunnelen, og rekna difor med at ho hadde kome seg trygt ut.
