Publisert 10. juli 2018 kl. 00.01.

Stadig vinglete bilistar

Politiet får rett som det er melding om bilistar som køyrer vinglete. Seinast då HF snakka med lensmann Terje Sperrevik i går tidleg, var politiet ute for å kontrollera ei melding som var komen inn.

Ifølgje Sperrevik er det i ein del tilfelle snakk om utlendingar som følgjer dårleg med på vegen og trafikken fordi dei er opptekne med å studera omgjevnadene. Slik framferd utgjer ein fare i trafikken, påpeikar Sperrevik på vegner av Kvam, Samnanger, Fusa og Tysnes lensmannsområde.