Publisert 08. juni 2018 kl. 08.40.

Hardingtonar brakar laus


Han tjuvstarta så vidt i går. I dag brakar festivalen Hardingtonar laus for alvor.


Med kulturskuleframsyninga Mosaikkfest på fartøyvernsenteret og ein meisterklassekonsert i Kabuso gjekk startskotet for musikkfestivalen i går.

I dag vert det mellom anna barnehagesong på torget i Norheimsund, forteljeteater for barnehagane og festkonsert med Bergen filharmoniske orkester.

Laurdag og sundag held det fram med konsertar med mellom andre Vamp, Nordic Voices og The Alehouse Sessions, for å nemna noko. Sundag vert det konsert i Bjødnabrakane, der Geirr Tveitt hadde komponistbustad. Vêrmeldingane er på arrangørane si side.