Ulovleg bråtebrenning spreidde seg

Det kunne ha vorte dramatisk då det tysdag kveld byrja brenna i gras og lyng på Skiparviknes i Jondal. Eit område på om lag 20 gonger 25 meter stod i brann, og flammane flytta seg mot høgspentleidningar i nærleiken, fortel politibetjent Paul Henriksen i Hardanger lensmannsdistrikt. Brannen vart meld inn klokka 21.21. Klokka 21.54 melde brannvesenet at brannen var under kontroll.

Bråtebrenning var årsaka til brannen. Ein alkometertest av bråtebrennaren synte relativt høg promille, fortel Henriksen. Politiet oppretta sak for ulovleg bråtebrenning.