Øystese òg vil ha minnelund

Også Øystese kan få namna minnelund.

Arbeidet for å få på plass ein slik lund, er godt i gang i Norheimsund.

– Kyrkjeverja opplever eit sterkt trykk frå Øystese om å få oppretta namna minnelund også på denne kyrkjegarden, skriv kyrkjeverje Olav Skeie Lid i sakspapira til møtet i Kyrkjeleg fellesråd ondag.

Han føreslår difor at rådet godkjenner at planlegging vert sett i gang også i Øystese.

Lid skriv at kyrkjegarden i bygda innbyr til ei slik løysing. Der finst to stader der sin kan sjå for seg å plassera minnelunden. Den eine er ved urnefeltet ved hjørneinngangen mot Tunet, den andre rett innom porten ved innkøyringa til bårehuset.

Ettersom kyrkjegarden allereie er regulert til gravplass, er omregulering uturvande. Lid har sett Lokal arkitektur i Øystese i sving med å teikna ei skisse. Han lovar å koma att med ei eiga sak om finansiering og byggjemelding dersom det vert aktuelt å gå vidare.