Hardangerfjorden er ei perle i verdsmålestokk

Det finst ikkje mange slike perler nokon stader, kanskje ingen?

Det var keisar Wilhelm som viste verda Hardangerfjorden då han kom her med «Hohenzollern» i 1889. Etter han var her, kom det mange turistar til Hardanger og Kvam. Dei gav oss utkome som me har nytt godt av til i dag. Hardangerfjorden er det berre éi utgåve av, og den må me ta godt vare på. Tenk deg det biletet av Hardangerfjorden ein vårdag når frukttrea står i blom medan sola glitrar i sjøen med Folgefonna som bakteppe. Kan du tenkja deg noko vakrare?

De som styrer og steller, tenk dykk godt om før me misser dei store turistbåtane og alle som vil komma hertil og sjå fjorden. Perla i all si prakt.

Det er vel ikkje så lurt å plassera så mange oppdrett kring i leia?

Erling Sandven