Grasbrann både i Kvam og Jondal
Det brenn i gras og kratt i Herandsvegen i Jondal. Ein tilsvarande brann på Tangerås før i dag vart snøgt sløkt, men truga eit bustadhus.
Brannen i herandsområdet vart varsla på Twitter for kort tid sidan, og skal truga eit uthus.
Politiet melde om brannen i Strandebarmsvegen klokka 12.12, og 12.30 vart det varsla at brannen var sløkt. Både den lange lovarmen og Kvam brann- og redningsteneste rykte ut til staden og dynka området med vatn.
Om lag eit halvt mål vart svidd av i brannen. Brannen var få meter frå å råka bygningane på ei bustadtomt like ved fylkesveg 49.
Det er meldt om grasbrannar fleire andre stader i fylket i dag.