Misnøye: Ytre Ålvik kan verta avskoren frå framtidig utvikling på grunn av utviding av akvakulturområda i området, meiner mellom andre Turid Alice Skjervheim. Her skimtar ein dei eksisterande oppdrettsanlegga heilt til høgre (Tveitnes) og venstre (Djupevik) i biletet. I fjellet til høgre ser ein bilvegen til Heller, som rådmannen vil tillata lengd eit lite stykke til området ved Gåsatjørn.
Arkivfoto: Sigbjørn Linga
Over halve heradsstyret og fleire kommunalt tilsette deltok på eit møte om kommuneplanen i Ytre Ålvik måndag. Ikkje offentleggjorde framlegg om fjellvegen og oppdrettsareal vart presenterte. Naturvernforbundet er kritisk til framgangsmåten.