– Me stiller oss bak krava i «Ålvikopprøret»
I folkemøtet på Folkets Hus i Ålvik 20. februar vart det framlagt ei liste over punkt som aksjonskomiteen meiner at Ålvik-folket vert forsømt i. Denne lista er så å seia identisk med sakene som me i grendeutvalet jobbar med:
• Gang- og sykkelveg til Vikedal
• Gang- og sykkelveg til Pensjonistheimen og vidare til båthamna
• Framleis symjebasseng i Ålvik,
• Ny og breiare bru ved Folkets Hus
• Oppgradering av Torget
• Sikra at me får behalda legekontoret i Ålvik
• Ikkje eit tredje oppdrettsanlegg, eller utviding av dei eksisterande anlegga
• Betra vegstandarden mellom Kjepsohøgda og Fyksesund
• Gjera friluftsområdet ved Gråaneset/Grasvika tilgjengeleg for folk flest.
Styret i Ålvik og Ytre Ålvik Grendautval ynskjer på same måte som Aalvik Arbeiderforening å stilla oss bak alle krav og synspunkt når det gjeld desse sakene.
Styret i Ålvik og Ytre Ålvik Grendautval
v/ leiar Eli Dahle