Fylkesveg 7 vert halde stengd til tidlegast måndag. Arkivfoto: Sigbjørn Linga

Framleis stengt på Laupsanes

Fylkesveg 7 på Laupsanes vil haldast stengd til tidlegast måndag på grunn av rasfare og oppryddingsarbeid. Stenginga gjeld «inntil vidare». Det melder Statens vegvesen på nettsidene sine.

Vegvesenet skal gjera ei ny vurdering klokka 8.00 måndag.

Vegen vart stengd onsdag 7. mars av di GBS entreprenør AS, som driv vegarbeid på staden, kom over eit rasfarleg område.

Som før er det omkøyring for personbilar på fylkesveg 131 mellom Fykse og Øystese. Køyretøy som er høgare enn 3,6 meter, må nytta europaveg 16.