Dagleg leiar Martin Vik har fått utsett fristen igjen. Arkivfoto: Sigbjørn Linga

Ny utsetjing av frist for bad

Hardangerbadet i Øystese er enno ikkje fullfinansiert, men ventar på tilsegner om lån frå Innovasjon Noreg og Sparebanken vest. Vona er at svaret kjem denne veka, opplyser dagleg leiar Martin Vik i Hardangerbadet AS.

Den same bodskapen hadde han førre veke, men tilsegnene kom ikkje før helga. Dermed vart fristen som fylkeskommunen har sett for å dokumentera fullfinansiert anlegg som del av spelepengesøknadene, broten.

Jon Nedkvitne, samfunns- og utviklingssjef, seier fylkeskommunen munnleg har stadfesta ei ny utsetjing av fristen, denne gongen til 1. mars. Fylkeskommunen skal ha handsama alle søknader om spelepengar før dei vert sende til departementet seinast 15. mars.