Set pengar i genbanken
Genbanken for villaks i Hardanger vert oppretta.
Det gjorde klima- og miljøminister Ola Elvestuen (V) kjent i dag.
– Tilstanden for mange bestandar er så dårleg at det er naudsynt å sikra dei i ein genbank, seier han i ei åtgaummelding frå departementet.
Tidlegare vart genbankplanane lagde på is av di regjeringa tykte kostnaden vart for høg. Estimatet lydde på 60–70 millionar kroner.
I 2018-budsjettet er det løyvt pengar til vassmiljøtiltak som gjer det mogeleg å etablera genbanken. Det vert gjennomført ei ny anbodstevling, ifølgje meldinga.
Elvestuen meiner nordmenn har eit særskilt ansvar for villaksen, sidan mange av bestandane held til i norske elvar.
I ein genbank vert arvemateriale sikra, slik at det kan nyttast til å oppretta nye bestandar når den negative påverknaden av miljøet er redusert.
Seks laksebestandar i Hardanger er vurderte etter ei kvalitetsnorm. Granskingane viser at alle er i svært dårleg stand, mellom anna på grunn av påverknad frå lakselus og rømt oppdrettslag.