Publisert 13. februar 2018 kl. 09.54.

Stengde vegen på Oma i fire timar

Ein utanlandsk semitrailer og ein buss vart ståande fast på eit smalt vegparti på Oma torsdag. Vegen vart stengd i begge køyreretningar, fram til ein lokal entreprenør vart rekruttert for å hjelpa til. Politiet fekk meldinga klokka 12.23. Klokka 16.32 vart vegen opna igjen, fortel politibetjent Magnus Fivesdal Pedersen ved Kvam og Samnanger lensmannskontor.