Kvemming til VM
Malin Auganæs Bergtun frå Kvam langrenn- og skiskyttarklubb har vorte teken ut til junior-VM i skiskyting. Turneringa finn stad i Otepää i Estland 26. februar til 4. mars.
Det melde Noregs skiskyttarforbund på heimesidene sine måndag. Bergtun er éi av seks kvinner, inkludert reserve, som er tekne ut i juniorklassen.
Bergtun tok sølv i både fellesstart og stafett i junior-NM på Simostranda førre helg.