Publisert 08. november 2017 kl. 17.35.

Motorsykkel av vegen

I 16.30-tida onsdag hamna ein motorsyklist i grøfta etter å ha vore borti støypekanten på fylkesveg 130 ved gjenvinningsstasjonen i Tolomarka.

Politi og ambulanse kom til staden. Føraren hadde fått motorsykkelen over beinet og var skadd. Han vart frakta med ambulanse til undersøking på legevakta.

Politiet veit ikkje noko om årsaka til ulukka, og vil undersøka hendinga på vanleg måte, fortel politiførstebetjent Svein Valland Laupsa i Kvam og Samnanger lensmannsdistrikt.