Skal utvikla Norheimsund

Rådgjevarselskapet Cowi AS har fått i oppdrag å utvikla Norheimsund som tettstad etter ein anbodskonkurranse. Kvam herad har fått 100.000 kroner frå fylkeskommunen til prosjektet, og stiller sjølv med 100.000 kr.

I kommuneplanen til Kvam står det at «sentra våre skal bygga på ei berekraftig utvikling, styrkast med eit større mangfald av private og offentlege tenestetilbod, ei god blanding mellom bustad, forretning og kontor, god tilrettelegging for alle med varierte møteplassar som innbyr til trivsel, samarbeid, opplevingar og fysisk aktivitet».

I brevet der Kvam herad annonserer resultatet av konkurransen, står det at i vurderinga talde pris 50 prosent, kvalitet 30 prosent og erfaring 30 prosent. Med det kan ein lita på at heradet er 110 prosent trygt på avgjerda.