Travel helg for Rossvoll-lag
Mange lag frå Rossvoll volleyballklubb var i aksjon då siste serierunde for yngre lag vart spela 1.–2. april. U13-laga spela sine kampar i Øystesehallen. Rossvoll stilte med 8 lag frå 4.–7. klasse, opplyser leiar i Rossvoll volleyballklubb Eilev Nyland i ein e-post til HF.
U17-jentene spela på Husnes. Rossvoll 1 spelar i 1. divisjon og kom på 3. plass i serieavslutninga, men enda på 2. plass totalt gjennom heile sesongen. Rossvoll 2 og Rossvoll 3 vann litt og tapte litt i 3. divisjon.
U17-gutane spela kampar i Sveio. Rossvoll sitt lag kom på 4. plass i Sveio, etter å ha tapt bronsefinalen mot Viking.
Lag frå Rossvoll var også til stades då det vart arrangert noregsmeisterskap for U15-lag i Tromsø. Jentelaget kom 7. plass. 22 lag deltok i turneringa, som vart spela 10.–12. mars.
U19-laga avslutta sesongen med noregsmeisterskap i Molde 17.–19. mars. Jentene kom på 14. plass og gutane på 5. plass.