Europris får gjera p-plassar om til lager

Spesialoppdrag eigedom AS har på vegner av leigetakaren Europris søkt om løyve til å gjera delar av parkeringsgarasjen under Europris mellom Movatnet og fylkesveg i Norheimsund om til lager.

Spesialoppdrag eigedom skriv at verksemda ut frå godkjend reguleringsplan kan byggja lager på delar av tomta, men meiner det er meir praktisk å setja opp vegger mellom søylene i garasjen og gjera delar av underetasjen om til lager. Verksemda meiner det i dag er så mange parkeringsplassar rundt Europris-bygget at det ikkje er eit problem at det vert færre parkeringsplassar under bygget.

Rådmannen i Kvam ser på tiltaket som ukomplisert, og har difor gjeve Europris løyve til å gjera delar av underetasjen om til lager.