Finale: Roger Andersson frå Hardanger bordtennisklubb (t.v.) og Fredrik Meringdal frå Volda og Ørsta bordtennisklubb spelte finale mot Lars Rønneberg og Eskil Lindholm i Fornebu bordtennisklubb i klassen herrar dobbel.

Både gull og sølv til Roger Andersson

Roger Andersson i Hardanger bordtennisklubb tok gull i mixed dobbel-klassen og sølv i herrar dobbel i noregsmeisterskapen i Norheimsund laurdag.

I klassen mixed dobbel spelte Andersson saman med Sarah Horgen frå Lørenskog-laget B-72. Motstandardane i finalen var Ilka Doval frå Eiker bordtennisklubb og Lars Rønneberg frå Fornebu bordtennisklubb.
I herrar double spelte Andersson saman med Fredrik Meringdal frå Volda og Ørsta bordtennisklubb. I finalen spelte duoen mot Lars Rønneberg og Eskil Lindholm frå Fornebu bordtennisklubb. Oslolaget vart for sterkt og vann 3–0.
Andersson stiller også i klassen elite herrar single. Dersom han kjem til sluttspelet søndag, har han moglegheit til å vinna kongepokalen.
Storfavoritt og tysklandsproff Geir André Erlandsen var fredag kveld sjuk. Det er usikkert om han stiller i elite herrar singel-klassen. Ifølgje president i Noregs bordtennisforbund, Erik Lindholm, er det difor ope i toppen. Andersson er éin av dei Lindholm meiner har ein sjanse til å vinna kongepokalen.