Stønad til turbinsag

Riksantikvaren har løyvt 100. 000 kroner til Nes gardssag ved Mundheim frå tilskotspotten til tekniske og industrielle kulturminne i 2017. Målet er at saga til Kåre Nes skal ha ”eit normalt vedlikehaldsnivå” innan 2020, heiter det i ei pressemelding.

Saga, som ein ser frå fylkesveg 49 ved Nes-krysset, vert driven av ein vassturbin. Eigaren fekk seinast i fjor til saman vel 150.000 kroner frå Norsk kulturminnefond og Hordaland fylkeskommune i stønad til vedlikehaldet

Riksantikvaren løyvde pengar til 15 anlegg i Hordaland i denne omgangen, mellom anna 6,2 millionar kroner til Odda smelteverk og 329.932 kroner til Tyssedal kraftstasjon.

Årets fordeling er gjort med tanke på å nå målet om å ta vare på tekniske og industrielle kulturminne og historiske anlegg, skriv riksantikvar Jørn Holme. Han fortel at prioriteringa er streng, og at det til saman vart søkt om 143 millionar kroner.