Måge er tilnærma uslåeleg

Ove Måge har sprunge frå siger til siger i vinterens løpskarusell i Strandebarm. Ingen truga han i det sjuande og nest siste løpet, der Torild Kveberg vann kvinneklassen.

I overkant av førti deltakarar kunne leggja ut på karuselløp nummer sju under gode tilhøve. Ifølgje Johannes Skogseide Børsheim i Strandebarm idrettslag har deltakinga halde seg omtrent på dette nivået gjennom vinteren. Kjønnsfordelinga har stort sett vore lik.

Dei gode forholda tysdag 14. februar hjelpte truleg til at fleire noterte personlege rekordar i løypa.

Siste runde går 7. mars. Etter løpet vert det premieutdeling på Strandebam skule. Arrangøren opplyser at ein må ha delteke i minst fem av åtte løp for å få premie.

Etter siste løp vert det trekking av gåvepremiar og utdeling av vinterkarusellmedaljar.