Bil av vegen i Kvam

Ein bil har køyrt av vegen og velta på Fosse i Strandebarm. Personen har kome seg ut av bilen på eiga hand, melder operasjonssentralen i Vest politidistrikt. Vedkomande er frakta til den lokale legevakta. Ifølgje politiet har vedkomande ”formentlig”, på godt norsk truleg, ingen skadar.

Ingen andre bilar var innblanda i ulukka, melder brann- og redningstenesta på Twitter.

Torsdag opplyser lensmann i Kvam og Samnanger lensmannsdistrikt, Terje Sperrevik, at føraren av bilen vart frakta til Voss sjukehus med moglege brotskadar.

Politiet veit framleis ikkje noko om årsaka til ulukka, men vil etterforska saka vidare.