Front mot front ved Sæland i Norheimsund
To personbilar kolliderte front mot front på fylkesveg 7 i dei såkalla Sæland-svingane mellom Norheimsund sentrum og Mo i Steinsdalen. To personar er involverte i ulukka, men ingen av dei sit fastklemde i bilen, melder operasjonssentralen i Vest politidistrikt på Twitter.
Ifølgje politiet må båe bilane tauast bort på grunn av store materielle skadar. Førarane vert frakta til den lokale legevakta. Trafikken vert dirigert på staden. Ulukka hende ikkje langt frå klubbhuset til Hardanger MC-klubb.
Torsdag opplyser lensmann i Kvam og Samnanger lensmannsdistrikt Terje Sperrevik at årsaka til ulukka er at den eine bilen kom over i motgåande køyrefelt.
Føraren er ein utanlandsk borgar. Han har truleg sovna eller vore uoppmerksam. Førarkortet hans er kverrsett, seier Sperrevik.
Éin person vart sendt til Voss sjukehus med lettare skadar etter ulukka.