Sigbjørn Linga. Torhild Fure er ein ivrig redesignar. Denne veska er laga av dongeribukser. Timeløna er ikkje rare greiene, for folk er ikkje villige til å betala mykje for heimelaga produkt, slår ho fast.
Tunet-messe i ferd med å verta tradisjon
Laurdag vert den andre utgåva av julemessa i Tunet i Øystese avslutta.
Messa vart arrangert fyrste gong i fjor, fortel ein av initiativtakarane, Kristin Børven Mikkelsen. Ho seier vona er å halda fram med arrangementet også til neste år, vel å merka dersom det tidlegare banklokalet i Tunet framleis står til disposisjon også då. Mikkelsen seier ho og mellom andre Oriflame-seljar Liv Johanne Mo Romarheim og Tupperware-seljar Sølvi Gundersen kom i snakk om å få til ein felles utsalsstad før jul. Huseigaren var ikkje vanskeleg å be, korkje i fjor eller i år, fortel ho. Saman trekkjer dei fleire, og gjengen av seljarar har det i tillegg sosialt når dei er fleire saman, slår dei fast. Seljarane betalar ein mindre sum for å dekkja husleiga og annonsering. Mikkelsen seier starten av veka var litt trå med tanke på kundegrunnlaget, men at det har teke seg opp mot slutten av veka. Det er vanleg i Tunet, fortel Mikkelsen, som meiner det er gledeleg at eit elles livlaust lokale vert fylt med innhald ei stund.
Litt lenger og tidlegare
Messa opna fredag 18. november og vert altså avslutta laurdag. Ho varar dermed noko lenger enn i fjor, då ho vara berre frå måndag til laurdag. Den gongen vart ho skipa til i desember. Ho finn såleis stad noko tidlegare i år. På det meste har inntil ti seljarar, alle kvinner, bydd fram varene sine på messa. Den einaste mannlege seljaren, ein belgiar, er venta å dukka opp med rekvedprodukt laurdag. Variasjonen i produkta er stor, frå dei fabrikkproduserte Tupperware- og Oriflame-produkta til heimelaga varer som jule- og gravkransar, strikkeprodukt, diverse redesignprodukt, konfekt, lys og pyntegjenstandar.
Artikkelen held fram under annonsen.
Laila Mo sel heimelaga kaker og konfekt med smak av søtt og salt. – Eg er veldig glad i å laga mat, seier messedeltakaren.Messa er i det tidlegare DNB-lokalet i Tunet. Her ser me Laila Mo og Gunn Samnøy (t.h.).Ein uglesekk av gamle bukser? Det ordnar Torhild Fure.Gunn Samnøy samla inn gamle ski og festa ein temperaturmålar på dei, og vips, så hadde dette messeproduktet sett dagens lys. Samnøy har ei rekkje andre produkt.
