Bilar på feil stad og i feil fart

Det har vore ein roleg start på veka for politiet i Kvam. Ved Steinsdalsfossen har bilistar parkert ulovleg i vegen framfor utsalet.

Lensmann Terje Sperrevik fortel at den ulovlege parkeringa kan føra til farlege situasjonar, då det går mykje folk forbi.

Bilistar vert oppfordra til å parkera på parkeringsplassen. Bilistane som hadde parkert ulovleg, hadde køyrt vekk før politiet fekk delt ut bøter denne veka, men Sperrevik seier at dei kjem til å bøteleggja ulovlege parkerte bilar framover. Bøtene kan sendast i posten. Medan nokre bilar stod i ro på feil stad, køyrde andre bilar for fort på vegane. Fleire vart tekne i å bryta fartsgrensa.

To bilar var innblanda i ei trafikkulukke i Tolomarka i 16-tida onsdag. Ingen personar vart skadde.