På fest med kongeparet

Tre hundre er inviterte til kongeparet sin hagefest på Gamlehaugen laurdag. Tre av dei kjem frå Krossdalen.

Som ein del av jubileumsreisa til kongeparet skal det laurdag haldast ein folkeleg hagefest på Gamlehaugen i Bergen. Personar frå heile fylket vert inviterte.

Gjestene er valde ut i samarbeid med Fylkesmannen og ordførarane i dei ulike kommunane. Kriteriet er at gjestene skal vera gode representantar for folket i sin kommune.

– Kongeparet ynskjer at feiringa skal vera folkeleg, og at gjestane skal vera eit tverrsnitt av befolkninga. Dette er ein fest for folket, ikkje for fiffen, fortel kommunikasjonssjef ved det kongelege hoff, Sven Gjeruldsen til BA.

Brynhild Brattabø, Sjur Brattabø og Pauline Kvåle kjem alle frå Krossdalen og skal på hagefest.

Eline Sandnes Fosseredaksjon@hf.no